1923 jyly Shý óńirinde dúnıege kelgen kúıshiniń 100 jyldyǵyna oraı «Keń jaılaý» atty kúıler jınaǵynyń tusaýy kesildi. Atalǵan kitapta kúıshiniń otyz eki kúıi notaǵa túsirilip, ár kúıdiń shyǵý tarıhy jazylǵan. Sonymen qatar oryndaý ereksheligin basty nazarǵa ala otyryp, kúılerdi QR kod arqyly tyńdaýǵa múmkindik bar. Bul kitapqa avtor «Jekeme, batyr, jekeme», «Úkilimaıdyń anasyn ańsaýy», «Nemere jubanyshy», «Yqylas týraly tolǵaý», «Eshkili taýdyń etegi» syndy kúılerdi túsirgen.
«Ońtústik Qazaqstan, Qarataý kúıshilik mektebine úles qosqan kúıshi. Osy rette, qazaq ónerine ólsheýsiz úles qosqan tulǵalarymyzdy ardaqtaý – bizdiń basty mindetimiz. Oryndaǵan kúıleri jas urpaqtyń jadynda máńgilik saqtalyp qalýyna úles qosýymyz kerek», deıdi Mádenıet qaıratkeri, T.Júrgenov atyndaǵy Qazaq ulttyq óner akademııasynyń oqytýshysy, dosent Murat Ábýǵazy.
