Partııalarmen qatar azamattardyń da birmandatty okrýgten ózin-ózi usyný múmkindigine ıe bolýy, partııalar men úmitkerlerge birdeı múmkindik berilýi, oblys ákimderi partııa bólimshelerine jetekshilik etpeıtindigi, joǵary laýazymdy qyzmetkerlerdiń partııa tiziminde bolmaýy – mine, bul jolǵy saılaýdyń ózgesheligi osyndaı ereksheliginde jatyr. Árbir partııanyń ustanymy, ıdeologııasy turǵysynan erekshelenetindikten, Májiliske túrli saıası kózqarastaǵy ókilder kelip tolyqtyryldy. Saılaýdaǵy partııalardyń belsendi qyzmetiniń kórinisi partııalardy tirkeý máselesin retteıtin zańnamanyń ońtaılandyrylyp ózgerýi de áserin tıgizdi.
Sonymen qatar saılaýdyń nátıjeleri memlekette shynaıy kóppartııalyq júıeniń qalyptasýyna degen naqty múmkindikterdiń bar ekendigin kórsetti. Bul úderistiń ózi memlekette azamattyq qoǵam men saıası mádenıettiń damýynda úlken ról oınaıtyny sózsiz.
Meıramkúl ISAEVA,
Saıası zertteýler ortalyǵynyń ǵylymı qyzmetkeri
