Qaraǵandy oblysy tótenshe jaǵdaılar departamentiniń habarlaýynsha, olardyń qaıyqpen kólikke baryp, úıine oralmaǵany týraly habar 31 naýryzda túsken. Aryzdanýshylardyń aıtýynsha, eki er adam bir kún buryn ketken.
Izdestirý-qutqarý jumystaryn júrgizýge Qaraǵandy oblysy tótenshe jaǵdaılar departamenti Prıozersk qalalyq qutqarý bólimshesiniń kúshteri jiberildi. Izdeý jumystaryna jergilikti turǵyndar da tartyldy. Jaǵalaý aımaǵy zertteldi. Qutqarýshylar sýǵa súńgý jumystaryn júrgizdi.
Tótenshe jaǵdaılar departamenti jedel-izdestirý toby jaǵalaýdan 2 shaqyrymdaı jerden 1965 jáne 1988 jyly týǵan eki er adamnyń máıitin tapty.
О́limniń mán-jaıyn polısııa anyqtap jatyr. Sot-medısınalyq saraptama taǵaıyndaldy.
