ARYQ SО́ILEP, SEMIZ ShYQQAN ABZAL

Búgin Astanada Qazaqstan Kásipodaqtary federasııasynyń kezekti HHII sezi bastalady. Osyǵan oraı Premer-Mınıstr Kárim Másimov sezd delegattarymen kezdesti. Kezdesý barysynda Úkimet basshysy kásipodaq ókilderiniń kókeıinde júrgen tolǵaqty suraqtarǵa jaýap berdi. Sonyń biri densaýlyqqa zııan mamandyqtarǵa, ıaǵnı №2 tizimdegi qyzmetkerlerge beriletin jeńildikter týraly boldy. Kárim Másimov óz qyzmetiniń de №2 tizimge jatatyndyǵyn aıtyp ázildeı kele, “jeńildikti berýge ýáde bermeımin, biraq qaractyratyn bolamyz” dep jaýap berdi. Kezdesý barysynda Úkimet basshysy kásipodaq ókilderine bılik basyndaǵylardyń aryq sóılep, semiz shyǵarýy kerektigin eskertip ótti. Aldymen Kásipodaqtar federasııasynyń tóraǵasy Sııazbek Muqashev sóz alyp, sezd delegattaryn elordaǵa atbasyn tireýimen quttyqtady. “Búgingi kúni Úkimet pen kásipodaq uıymdarynyń arasynda ótkir turǵan másele joq. Árbir másele ózara túsinistik jaǵdaıynda, ekijaqty qoldaý arqyly óz ornymen sheshilýde. Daǵdarys synynan da durys ótken sekildimiz. Men osy federasııany basqarǵanyma 20 jyl bolypty. Uıymǵa 2 mıllıonnan astam adam múshe. Osy jyldar ishinde bir baıqaǵanym, sońǵy 5 jyl biz úshin óte jemisti boldy. Osy jetistikterimizdiń ishinde el Úkimetin basqaryp otyrǵan siz sııaqty azamattyń úlesi az emes”, dedi Sııazbek Muqashev. Bizdi tek Úkimetpen ǵana jumys isteısizder dep kiná taǵatyndar jetkilikti. Degenmen, kásipodaqtardyń búgingi jetken jetistigi salaǵa durys kóńil bólinýiniń, sondaı-aq ózara túsinistik pen qoldaýdyń nátıjesi dep oılaımyn, dedi ol. Odan soń sóz alǵan Kárim Másimov Premer-Mınıstr qyzmetinde Kásipodaqtar federasııasy ofısiniń tabaldyryǵyn birinshi ret attap otyrǵandyǵyn, sezd delegattarymen kezdesýine qýanyshty ekendigin jetkizdi. Sońǵy 3-4 jylda kúndelikti kezdese otyryp, ıyq tirestire jumys atqaryp kelemiz. Elbasymyzdyń basqarýymen jınaqtaǵan ortaq áriptestik tájirıbemiz, áleýmettik jáne álemdik úzdik tájirıbeler, Úkimet pen kásipodaq uıymdarynyń, jumys berýshilerdiń ózara qarym-qatynasta, birlese jumys atqarýy elimizdiń oıdaǵydaı damýyna múmkindik berip otyr. Bizdiń áriptestigimiz syndarly bolýy tıistigin atap ótkim keledi, degen Kárim Másimov Sııazbek Muqashevtyń óte isker áriptes ekendigin atap ótti. Al búgingi tańdaǵy aldymyzda turǵan negizgi maqsat – Elbasy tapsyrmalaryn oryndaý. Bul degenińiz – ártaraptanǵan jáne básekege qabiletti ekonomıka. Bizdiń kásipkerler men jumys berýshiler osyny túsine otyryp, shyǵaratyn ónimderiniń básekege tótep bere alatyndaı sapaly bolýyn oılaýy qajet. Sonda ǵana bizdiń kásiporyndar óz ishimizde, keıin Keden odaǵy kúshine engende básekege qabiletti bolmaq, dedi Premer-Mınıstr. Jıyn sońynda Úkimet basshysy kásipodaq ókilderine birlese jumys atqaryp kele jatqandyqtary úshin alǵys aıtty. Venera TÚGELBAI, “Egemen Qazaqstan”.