16 jastan 60 jasqa deıingi jáne odan joǵary jas sanattarynda 350-den astam áýesqoı jarysqa shyqty. Jarys aldynda ujymdyq jattyǵýlar ótkizildi.
«Men elordada turamyn, búgin ASTANA RUN-ǵa qatysqaly turmyn. Kóńil-kúıim keremet. Jarysqa qatysqan elordanyń barlyq turǵyndaryna sáttilik, keremet kóńil-kúı tileımin!», dedi Astana turǵyny Álııa Nurǵalıeva.
Sportshylarǵa máre syzyǵynda medal tapsyryldy.
«Jarys kúni aýa raıy keremet boldy. Jarysqa 350-ge jýyq áýesqoı sportshy qatysty. Qatysýshylarǵa táttiler, sýsyn, ystyq shaı berildi. Mine, osynyń bári maýsymnyń alǵashqy jarysynda boldy. Barlyq qatysýshylarǵa, qalalyq qyzmetterge, medısına qyzmetkerlerine, eriktilerge, seriktesterge alǵys aıtamyz. Olardyń kómeginsiz búgingi is-shara joǵary deńgeıde ótpes edi», dedi qalalyq trıatlon federasııasynyń prezıdenti Evgenıı Bolgert.
Jeńimpazdar men júldegerler barlyq jas sanattaryndaǵy erler men áıelder arasynda úzdik nátıje boıynsha anyqtaldy. Olar medaldarmen, dıplomdarmen jáne aqshalaı sertıfıkattarmen marapattaldy.
Aıta keteıik, is-sharadaǵy qaýipsizdik jedel medısınalyq járdem mashınalarynyń kezekshiligimen jáne quqyqtyq tártip saqshylarymen qamtamasyz etildi.
