Ulttyq jobalar aıasynda – 5 myń, bos jumys oryndaryna – 22 myń, jeke bastamalar aıasynda 17 myń adam eki qolǵa bir kúrek tapsa, kásipkerlikti damytýdyń Ulttyq jobasy arqyly – 31 myń, onyń ishinde sýbsıdııalanatyn jumys oryndaryna 5 myńnan asa aımaq turǵyny ornalasa alady. Munyń syrtynda 1,5 myń adam qysqa merzimdi kýrstardan bilim alady. Onda jumys berýshilerdiń suranysymen 481 adam bar. Al Skills Enbek platformasy arqyly myńnan asa adam jańa kásip meńgermekshi. Búginde 7 myń adam jumyspen qamtýǵa qatysty túrli sharalarǵa jumyldyrylǵan. Onyń 6 myńǵa jýyǵy jumysqa ornalasypty.
Jumyspen qamtýdy úılestirý jáne áleýmettik baǵdarlamalar basqarmasynyń basshysy Ásem Júnispekovanyń aıtýynsha, jastar kásipkerligin damytý maqsatynda jańa tetik qoldanylady. Bul – jyldyq paıyzy 2,5% jeńildetilgen nesıe.
– Jastar kásipkerligin damytý úshin bıyl jańa tetik – jyldyq 2,5% jeńildikpen nesıeleý engizilip jatyr. Sonyń ishinde aımaqta 324 nesıege bólingen qarjy kólemi – 1,6 mlrd teńge. Eń joǵary soma – 5 jyl merzimge 5 mln teńge. Al mal sharýashylyǵyndaǵy jobalar úshin 7 jylǵa deıingi merzim qarastyrylǵan. Munda kepilge qoıar múlik – basty talap. Qujattar men bıznes-jospar Agrarlyq nesıe korporasııanyń fılıalyna usynylady. Nesıe berý týraly sheshimdi komıssııa qabyldaıdy, deıdi basqarma basshysy.
Buǵan qosa áleýmettik osal toptaǵy turǵyndardyń da kásipkerlikpen aınalysýyna qolaıly múmkindik bar. Bul – tyń jobalarǵa tapsyrylatyn grant. Mysaly, bıyl Qaraǵandy oblysynda bıznes-ıdeıalardy iske asyrýǵa 190-nan asa grant berilmekshi. Jalpy, somasy 263 mln teńgeden asyp jyǵylady. Qazirgi kezde olar 49 grant aldy.
«Kúmis jas» jobasyndaǵy ózgeristerge baılanysty bul jobaǵa endi 50 jasqa tolǵan azamattar da qatysa alady. Buryn baǵdarlama 58 jastan asqan adamdardy ǵana qamtyp kelgen edi.
Oblystaǵy jumyssyzdardy jeke kómekshi jáne áleýmettik qyzmetker mamandyqtaryna oqytý josparlanyp otyr. Osydan keıin olar zeınetkerlikke shyqqanǵa deıin keminde bir jyl, al zeınetkerlikke deıingi jastaǵy (58 jastan asqan) adamdar turaqty jumys ornyna ornalasady.
«Jastar tájirıbesi», «Birinshi jumys orny» jáne «Urpaqtar kelisimsharty» jobalarynda eńbekaqy mólsheri 30 AEK-ke deıin ulǵaıǵany málim. Bul jobaǵa qatysý merzimi – 12 aıǵa deıin.
– Kadr máselesin sheshý úshin «Qýatty óńirler – el damýynyń draıveri» ulttyq jobasynyń óńiraralyq eńbek utqyrlyǵy aıasynda oblysqa jumyskerlerdi tartý boıynsha jumys júrgizilip jatyr. Búgingi tańda Túrkistan oblysymen birlesip, ózara mindettemeler týraly memorandým jasaldy. Oblys jumys berýshilerimen Túrkistan oblysynda bos jumys oryndary jármeńkesi ótkizildi, deıdi basqarma basshysy.
О́ńirdiń ózinde de kásiporyndarǵa halyqtyń qoljetimdiligin kózdegen bos jumys ornynyń jármeńkesi udaıy uıymdastyrylady. Sonymen qatar jumys oryndary men jumyspen qamtý baǵdarlamalary týraly turǵyndarǵa keńes beretin mobıldi toptar jumys isteıdi.
Qaraǵandy oblysy
