Ortasha alǵanda, shetelden kelgen qonaqtar Kaspıı teńiziniń jaǵalaýynda bir aptadan 12 kúnge deıin qonaqtaǵan.
Sondaı-aq elimizdegi demalys merziminiń uzaqtyǵy boıynsha alǵashqy úshtikke Almaty jáne Astana qalalary kirdi. 2022 jyly Almatyǵa 417 myńnan astam sheteldik qonaq keldi. Ortasha alǵanda, olar ońtústik astanada 3-5 kún ótkizgen. Byltyr Astanaǵa 238 myńnan astam sheteldik týrıst keldi.
Elordada týrıster 2-3 kún turaqtaıdy. Bul rette shetelden kelgen týrısterdiń Qazaqstanda saıahattaý merziminiń ortasha uzaqtyǵy 4 kúndi quraıtynyn aıta ketý kerek.
«Sapardyń uzaqtyǵy óńirdiń týrıstik tartymdylyǵyn kórsetedi. Mańǵystaý oblysynyń áleýeti óte zor jáne biz ony tolyǵymen iske asyrý baǵytynda belsendi jumys istep jatyrmyz. Mamandardy daıarlaý jáne oqytý, týrıstik ınfraqurylym salý, jańa tikeleı avıareıster ashý boıynsha kelissózder júrgizilip jatyr. Sheteldikter arasynda suranys úlken. Sol sebepti elimizge keletin sheteldik týrısterdiń sanyn arttyrý boıynsha jumysty jalǵastyramyz», dedi QR Mádenıet jáne sport vıse-mınıstri Erjan Erkinbaev.
