Zańsyz jalaqy aýdarý faktileri Jambyl oblysynyń 6 birdeı aýdanynan anyqtalyp otyr. Zańsyz áreketterdiń basym bóligi Baızaq aýdanynda tirkelgen. Ondaǵy 26 mekteptiń 30-ǵa jýyq muǵalimi ótkizbegen dáristeri úshin 11 mıllıon 200 myń teńge jalaqy alǵan. Nátıjesinde, osy iske qatysy bar 253 bilim salasynyń qyzmetkeri jaýapkershilikke tartyldy.
«50-den asa mektep dırektory, 6 aýdandyq bilim bóliminiń basshysy, 100-den asa mektep dırektorynyń orynbasarlary tártiptik jaýapkershilikke tartyldy. Eń bastysy, 24 mıllıon teńge bıýdjetke keri qaıtaryldy», dep naqtylady oblys prokýrorynyń aǵa kómekshisi Erkin Qýanyshev.
