Bekzattyń izbasarlary baq synasty

Túrkistanda 2000 jylǵy Sıd­neı Olımpıadasynyń je­ńim­pazy, «Barys» ordeniniń tuńǵysh ıegeri, talantty boks­shy Bekzat Sattarhanovty eske alýǵa arnalǵan jastar ara­syndaǵy halyqaralyq týr­nır ótti. Oblys ákimdigi, ob­lystyq sport basqarmasy jáne Áb­disalan Nurmahanov atyndaǵy Olımpıadalyq sport mektebi uıymdastyrǵan halyqaralyq boks dodasyna О́zbekstan, Tá­jik­stan, Qyrǵyzstanmen qatar, elimizdiń barlyq aıma­ǵynan bylǵary qolǵap sheberleri qa­tysty. Jalpy, 22 komanda, 200-den asa boksshy qatysqan bıylǵy boks básekesiniń erek­sheligi – tuńǵysh ret qyzdar da 5 salmaq dárejesinde qolǵap túıis­­tirdi. Uldar 13 salmaq bo­ıyn­sha jeńimpazdardy anyq­­­­ta­dy. Jıyrma jasynda ja­syn­daı jarqyldap, Sıdneı Olım­pıadasynyń shyńyn ba­ǵyndyrǵan Bekzattyń anasy Syrlykúl Sat­tarhanova da batyr ulyn eske alýǵa arnalǵan týrnırdiń ashylý rásimine arnaıy keldi. Sport janashyrlary men belgili boksshylar Oljas Orazalıev, Qanatbek Sha­ǵataev, Birjan Jaqypov qa­tysty.

Tartysty ótken boks dodasy Bekzat Sattarhanovtyń týǵan kúni, ıaǵnı 4 sáýirde aıaqtaldy. Áýesqoı boksta 143 jekpe-jek ótkizip, 132 kezdesýinde jeńiske jetken, 20 jasynda Olımp tuǵyryn baǵyndyrǵan Bekzat Sattarhanov tiri bolsa, 43 jasqa tolar edi. Týrnır jeńimpazdaryn marapattaý rásimine qatysqan oblys ákiminiń orynbasary Beısenbaı Tájibaev bastaǵan azamattar jeńiske jetken boks­shylardy quttyqtap, izgi tilek­terin bildirdi.

«Er Bekzattyń týǵan jerinde kúsh synasý, júldeger ataný – kez kelgen boksshynyń armany. Ǵumyry qysqa bolǵanymen, óshpes iz qaldyrǵan sportshyǵa ár otan­dasymyzdyń qurmeti bólek», dedi oblys ákiminiń orynbasary. Kezinde Sıdneı tórinde Bekzatpen birge ulttyq qura­­ma-

­nyń namysyn qorǵaǵan, Olım­pıada chempıony Ermahan Yby­raıymov týrnırdiń deń­geıi jo­ǵary ekenin jetkizdi. Dástúrli boks týrnıri jyl saıy­n qanshama talantty jastyń sheberligin shyń­dap jatyr.

Sonymen halyqaralyq týrnırde qyzdar arasynda óńir namysyn qorǵaǵan 50 kılodaǵy túrkistandyq Delfına Ábilhan altyn medal ıelendi. Al 57 kıloda Uljan Sársenbek top jar­sa, 75 kılodaǵy túrkistandyq arý Shuǵyla Nálibaıǵa teń keler qarsylas bolmady. Osylaısha, qyzdar arasyndaǵy aıqasta 3 altyn medal oblys qorjynyna tústi. Al uldar arasynda Túr­kistan oblysynyń basty úmiti 60 kıloda judyryqtasqan Baq­tııar Anar­baev jeńimpaz atandy. Budan ózge altyn medal jeńip alǵan rıng qo­jaıyndary qatarynda 63,5 kıloda baq sy­naǵan Tórehan Sabyrhan, 67 kıloda Erasyl Ju­maqul bar.

Týrnır jeńimpazdary men júldegerlerine laıyqty qurmet kórsetildi.

TÚRKISTAN