Tujyrymdamaǵa sáıkes 2029 jylǵa qaraı jyl saıyn avtorlardyń 600 spektaklin sahnalaý josparlanyp otyr. Qoıylymdar sanynyń artýy kezeń-kezeńimen júzege asady. Máselen, bıyl 245 spektakl qoıý mindeti tur, bul ótken jylmen salystyrǵanda 62 qoıylymǵa artyq.
Sonymen qatar ınklıýzıvti toptyń balalary úshin teatr trýppalaryn ashý, erekshe qajettilikteri bar adamdarǵa spektaklderdiń onlaın-kórsetilimderin uıymdastyrý, jańa teatrlar salýdy jáne jas talanttardy memlekettik qoldaý sharalaryn odan ári iske asyrý kózdelip otyr.
«Elimizdiń teatr ónerin damytý – aldaǵy birneshe jyldaǵy basty mindetterimizdiń biri. Teatr bizdiń azamattarymyzǵa barynsha qoljetimdi bolýǵa tıis. Bul tek kórermen úshin emes, sonymen qatar jas talantty dramatýrgter úshin de kerek. Jańa avtorlarsyz damý múmkin emes, sondyqtan mınıstrlik jańa esimderdi tanytýǵa erekshe nazar aýdarady. Máselen, ótken jyly ádebıet salasyndaǵy «Aıboz» tuńǵysh ulttyq syılyǵy tabys etildi. Bıyl jas jazýshylar men aqyndarǵa arnalǵan Prezıdenttik ádebı syılyq tabystalady», dedi Mádenıet jáne sport vıse-mınıstri Nurǵısa Dáýeshov.
