Búgin Májilis alańynda jýrnalıster «Aýyl» partııasy fraksııasynyń jetekshisi, depýtat Anas Baqqojaevtan partııa múshesi Jıgýlı Daırabaevtyń uldaryna qatysty suraq qoıdy.
«Jýyrda depýtat Jıgýlı Daırabaevtyń eki ulyna qatysty sot úkimi shyqty. Depýtat osy oqıǵadan keıin óz mandatyn tapsyra ma?» dep surady tilshiler.
Anas Baqqojaevtyń aıtýynsha, Jıgýlı Daırabaev depýtattyq mandatyn tapsyrmaı, óz qyzmetin jalǵastyra beredi.
«Ol depýtattyq mandatyn tapsyrmaıdy. Osy sátti paıdalanyp, fraksııanyń málimdemesin aıta ketsem jón bolar. Biz oǵan eshqandaı min taǵa almaımyz. Birinshiden, atalǵan iste onyń jeke basyna qatysty eshteńe aıtylmaǵan. Ekinshiden, onyń balalary eresek azamattar. Olar óz isine ózderi jaýap berýi kerek. Olar aýyl sharýashylyǵymen birazdan beri aınalysyp kele jatyr. Táýekeldiń baryn biledi. О́zderin qorǵap, ózderi jaýapty bolýy kerek», dep jaýap berdi «Aýyl» partııasy fraksııasynyń jetekshisi.
Eske sala ketsek, 6 sáýirde Taraz qalasynyń №2 soty alaıaqtyq jáne iri mólsherde aqsha jymqyrý faktisi boıynsha úsh adamdy jaýapqa tartty. Sottalǵan úsh er adamnyń ekeýi Májilis depýtaty Jıgýlı Daırabaevtyń uldary ekeni anyqtaldy.
