Atalǵan týrdaǵy alǵashqy kezdesýde «Oqjetpes» (Kókshetaý) pen «Aqsý» (Pavlodar oblysy) sheberlik baıqasty.
Kezdesý barysynda kókshetaýlyq klýbtan Srdjan Dımıtrov 20, 60-mınýttarda eki goldyń avtory atansa, Maksım Drachenko 77-mınýtta esepti ústemeleı tústi.
Osylaısha kókshetaýlyq komanda qarsylasynan 3:0 esebimen basym tústi.
«Oqjetpes» eki týr qatarynan qarsylastaryn iri eseppen jeńip keledi. О́tken týrda olar syrt alańda «Atyraýdy» 4:0 esebimen súrindirdi.
Endi 16:00-de «Qyzyljar» (Petropavl) men «Atyraý», «Maqtaaral» (Túrkistan oblysy) men «Kaspıı» klýbtary jasyl alańǵa shyǵady.
Al 20:00-de «Qaısar» (Qyzylorda) men «Shahtıor» (Qaraǵandy) oınaıdy.
Al 9 sáýirde «Qaırat» (Almaty) pen «Jetisý» (Taldyqorǵan), «Tobyl» (Qostanaı) men «Astana», «Ordabasy» (Shymkent) men «Aqtóbe» komandalary kezdesedi.
