«2023 jylǵy 9 sáýirde saǵat 07:20-da Qaskeleńdegi № 5 órt sóndirý bóliminiń baılanys pýnktine Almaty oblysy tótenshe jaǵdaılar departamenti «О́rt sóndirý jáne avarııalyq qutqarý jumystary» memlekettik mekemesinen Qarasaı aýdanynyń Jarmuhanbet aýylyndaǵy Maqataev kóshesi boıynda jalpy aýdany 63 sharshy metr bir qabatty úı órtenip jatqany týraly habarlama tústi. Keıinnen qoıma úı-jaıyndaǵy avtomobıl shınalaryna (bir qabatty, G-tárizdi ǵımarat, jalpy aýdany 500 sharshy metr kirpish jáne metall qabyrǵalar, temir tor boıynsha metall shatyr) jetken. Oqıǵa ornyna birinshi bólimshe kelgen kezde órt 763 sharshy metrge jaıylyp úlgergen», delingen Almaty oblysy tótenshe jaǵdaılar departamentiniń baspasóz qyzmeti taratqan habarlamada.
О́rt saǵat 09:08-de aýyzdyqtaldy. Qurbandar men zardap shekkender joq. Jeke turǵyn úılerge qaýip joq.
Atalǵan fakt boıynsha Qarasaı aýdanynyń TJB QR Qylmystyq kodeksiniń 292-babynyń 1-bóligi boıynsha «Abaısyzda adam densaýlyǵyna aýyr nemese ortasha aýyrlyqtaǵy zııan keltirýge nemese azamatqa, uıymǵa nemese memleketke iri zııan keltirýge ákep soqtyrsa, olardy saqtaýǵa jaýapty adamnyń órt qaýipsizdigi talaptaryn buzýy» boıynsha qylmystyq is qozǵaldy.
О́rtti sóndirýge Almaty oblysy tótenshe jaǵdaılar departamentiniń 27 qyzmetkeri men 10 birlik tehnıkasy, Almaty tótenshe jaǵdaılar departamentiniń 12 qyzmetkeri men 2 birlik tehnıkasy, aýdandyq polısııa bóliminiń 3 qyzmetkeri men 1 birlik tehnıkasy, jedel medısınalyq járdem brıgadasynyń 3 qyzmetkeri men 1 birlik tehnıkasy jumyldyryldy.
