Ýly zattar soltústik-shyǵystan soqqan jelmen qala ortalyǵyna deıin jetken.
Resmı eskertýde órt pen tútin «óte qaýipti» sanatqa jatqyzylǵan. Gambýrgtiń soltústik-shyǵysyndaǵy turǵyndardy terezeler men esikterdi jabyq ustaýǵa jáne tútinnen qorǵanýǵa shaqyrdy.
Deutsche Bahn tótenshe jaǵdaıǵa baılanysty Gambýrg pen Bıýhen arasyndaǵy temirjol jelilerinde qozǵalys toqtatylǵanyn habarlady. О́rt sóndirý jumystaryna baılanysty jergilikti kóliktiń jumysy da shektelgen.
О́rttiń shyǵý sebebi men kináliler anyqtalýda.
2022 jyldyń tamyzynda Berlınniń batysyndaǵy Grýnevald aýdanynda oq-dáriler men pırotehnıkalyq zattar qoımasynda iri órt boldy. Onyń jalpy aýmaǵy shamamen 42 gektardy qurady. О́rt ornyna Germanııanyń túkpir-túkpirinen qural-jabdyqtar ákelinip, ony sóndirýge 150-ge jýyq órt sóndirýshi qatysty.
