Astanada ótip jatqan erkin, grek-rım jáne áıelder kúresinen Azııa chempıonatynyń ashylý saltanaty ótti.
Týrnırge Qazaqstan, Qytaı, Japonııa, Úndistan, Mońǵolııa, Iran, Ońtústik Koreıa jáne taǵy da basqa 22 memleketten 400-ge jýyq sportshy qatysady.
Sharanyń ashylý saltanatyna Mádenıet jáne sport mınıstri Ashat Oralov qatysyp, sportshylarǵa sáttilik tiledi.
«Chempıonattyń saltanatty ashylýynan keıin men bizdiń quramanyń jattyǵýyn kórip, sportshylarymyzben kezdestim. Sonymen qatar týrnır júldegerlerin marapattadym. Atap aıtqanda, búgin grek-rım kúresinen bes salmaq dárejesi boıynsha júldegerler anyqtaldy.
Bizdiń elimizde kúrestiń qaı túri bolsyn eń tanymal sport túrleriniń biri sanalady jáne osy deńgeıdegi jarystar onyń damýyna odan ári yqpal etedi. О́z kezeginde, Memleket basshysy men bizdiń mınıstrlik jastar men kásibı sportshylar úshin kúrespen aınalysýǵa barlyq jaǵdaıdy jasaıdy. Jańadan úıirmeler, zaldar ashyp, túrli týrnırler ótkizetin bolady. Solardyń biri - elorda tórinde ótip jatqan osy Azııa birinshiligi.
Elimizdiń balýandaryna Azııa chempıonatynda joǵary deńgeıde óner kórsetip, jeńis tuǵyryna kóterilýdi tileımin», dedi mınıstr.
