Kadrlarǵa qajettiliktiń jartysyn kásiptik-tehnıkalyq bilimi bar adamdar óteı alady. Al tórtten bir bóligine arnaıy bilimsiz jumysqa ornalasýǵa bolady. Ár besinshi vakansııaǵa joǵary bilim qajet.
«Ulttyq palata mundaı taldaýdy jyl saıyn júrgizetindikten, jaǵdaıdyń aıtarlyqtaı ózgermegenin baıqaýǵa bolady. Kásipkerler arasynda jalpy qajettiliktiń 70%-dan astamy jumysshy mamandarǵa tıesili. Zańger, menedjer, ekonomıst mamandardy izdeıtin kásipkerler az. Aıta keteıik, jumysshy toby – eńbekaqysy tómen laýazymdarǵa jatady. Olardyń jalaqysy 115 myń teńgeden 184 myń teńgege deıin bolady. Tabysynyń ortasha deńgeıi – 147 myń teńge», dedi Tımýr Naqypbekov.
Spıker jumysshy kadrlar arasyndaǵy ortasha eńbekaqynyń eń joǵary ındeksi 192 myń teńge – Almaty qalasyna, al eń tómeni 115 myń teńge – Túrkistan oblysyna tıesili ekenin atap ótti.
«Keıde suranys sany sol jyly ýnıversıtet bitiretin túlek sanynan basym túsetin mamandyqtar bar. Mysaly, ótken jyly Qazaqstannyń joǵary oqý oryndary tek 359 marketolog shyǵarsa, Ulttyq palatanyń saýalnamasyna sáıkes 1,2 myńnan astam marketıng mamanyna qajettilik bar. Sonymen qatar «sáýlet», «horeografııa», «qoǵamdyq densaýlyq saqtaý» sııaqty mamandyqtarǵa qajettilik joǵary», dep tolyqtyrdy spıker.
Zertteýdiń negizgi mindetteriniń biri – shetelden keletin jumys kúshine degen qajettilikti zerdeleý. Máselen, sheteldik qyzmetkerlerdiń eń kóp sany Batys Qazaqstan, Shyǵys Qazaqstan oblystarynda jáne Shymkent qalasynda tirkelgen. Bul – Reseı Federasııasy, О́zbekstan, Ýkraına jáne Qytaı azamattary. Saýalnama qorytyndysy boıynsha, Qazaqstandyq jumys berýshiler sheteldik azamattardy tiginshi jáne tigin operatory, PR menedjer, qolónershi, ınjener, hımııa zerthanashysy, avtoslesar jáne IT-dızaıner syndy mamandyqtarǵa jıi jumysqa shaqyrady.
