Asa tartysty match Almatydaǵy Ortalyq stadıonda ótti. Bul básekede «Qaırat» pen Taldyqorǵannyń «Jetisýy» ózara kúsh synasty. 37-mınýtta Vıktor Vasın alań ıelerin alǵa shyǵardy. 54-mınýtta Ratı Ardazıshvılı tarazy basyn teńestirdi. 74-mınýtta Andreı Ýlshın mergendik tanytty. Sol sátte «Qaırat» endi ese jibere qoımas dep topshyladyq. Biraq bunymyz beker eken. Oıynnyń aıaqtalýyna 10 mınýttan asa ýaqyt qalǵanda Mádı Haseın men Rýslan Teverov qatarynan eki dopty qaqpaǵa toǵytyp, «Jetisýǵa» jeńis syılady. Esep – 2:3. Qostanaıda «Tobyl» «Astanadan» aılasyn asyra almady – 0:1. Bul básekeniń taǵdyryn 70-mınýtta Marın Tomasovtyń soqqan jalǵyz goly sheshti. «Ordabasy» men «Aqtóbe» arasyndaǵy Shymkentte ótken kezdesýdiń 65-mınýtynda Ýgo Vıdemon nysanany dál kózdedi. Odan keıin aqtóbelikter tolyqtaı qorǵanysqa kóshti. Áýelde bul taktıka óz jemisin berip, alań ıeleri úzdiksiz shabýyldaǵanymen, odan eshteńe óndire alǵan joq edi. Desek te «Ańdyǵan jaý almaı qoımaıdy» demekshi, tóreshiniń qosqan altynshy mınýtynda Sergeı Malyı gol soqty – 1:1.
Qazirgi kezde «Qyzyljar» kósh bastap keledi. Olardyń 15 upaıy bar. 12 upaıdy qorjynǵa salǵan «Astana» ekinshi orynda. Úshinshi jáne besinshi oryndardy «Aqtóbe», «Ordabasy» jáne «Tobyl» ózara bólisken. Olardyń árqaısysy 10 upaıdan enshiledi.
