UBT bastalǵaly shekti baldy 78 paıyzǵa jýyq nemese 86 myń talapker jınap, 22 paıyzy shekti ball jınaı almaǵan. Naýryzdaǵy synaqtyń ortasha baly 70-ti qurady. О́tken jylmen salystyrǵanda bul kórsetkish 1 balǵa joǵary. Eń joǵary ball – 136.
– Naýryz UBT-sy 10-31 naýryz aralyǵynda ótti. Jalpy, naýryzdaǵy ulttyq biryńǵaı testileýge 111 myńǵa jýyq adam qatysty, ótken jylmen salystyrǵanda 8 myńǵa artyq. Ádettegideı, testileýshilerdiń eń kóp tańdaǵan kombınasııalary – «Matematıka-Fızıka» (19 paıyz) jáne «Bıologııa-Hımııa» (19 paıyz). IT baǵyttarǵa túsýge qajetti jańa «Matematıka-Informatıka» kombınasııasyn UBT-ǵa qatysýshylardyń 11 paıyzy tapsyrǵan. Testileý shtatty rejimde ótti, – dedi Ulttyq testileý ortalyǵynyń dırektory Rýslan Emelbaev.
Aıta ketý kerek, erekshe bilim berý qajettilikteri bar balalar úshin testileýge qosymsha 40 mınýt bólindi, qajet bolǵan jaǵdaıda olarǵa kómekshi beriledi. Sonymen qatar olar úshin syzba jáne dıagrammalarsyz suraqtar jasalǵan. Qabyldanǵan is-sharalar nátıjesinde erekshe bilim berý qajettilikteri bar 237 bala UBT tapsyrdy.
85 talapker smartfon, shpargalka jáne basqa da tyıym salynǵan zattardy alyp ótý áreketi saldarynan test tapsyrý múmkindiginen aıyryldy. Testileý kezinde erejelerdi buzǵany úshin aýdıtorııadan 109 oqýshy shyǵarylyp, olardyń nátıjeleri joıyldy.
UBT-ǵa daıyndyqty jaqsartý maqsatynda Ulttyq testileý ortalyǵy oqý jylynyń basynda testileý pániniń spesıfıkasııalaryn, test josparyn, «Qazaqstan tarıhy» jáne «Dúnıejúzi tarıhy» pánderinen 100 data, «Informatıkadan» termınder tizimin, «Qazaq ádebıeti» jáne «Orys ádebıeti» pánderinen shyǵarmalar tizimin óz saıtynda jáne áleýmettik jelilerinde jarııalaǵan bolatyn.
Sondaı-aq 2022-2023 oqý jylynyń basynan bastap Ulttyq testileý ortalyǵy iri bilim berý ortalyqtarymen birge bas emtıhanǵa daıyndalý úshin onlaın-sabaqtar ótkizedi. Al prob-ent.testcenter.kz saıtynda talapkerler tegin baıqaý synaǵynan óte alady.
