Túrkistan oblysy polısııa departamentine Leńgir qalasynyń turǵyny aryzdandy. Jábirlenýshiniń aıtýynsha, ony belgisiz bireýler pyshaqpen qorqytyp, kúsh qoldanyp, 5 mıllıon teńge bopsalaǵan. Polıseıler atalǵan jaıtty QR QK-niń 194-baby 3-bóligi «Qorqytyp alý» boıynsha tirkep, kúdiktilerdi anyqtaýǵa kiristi.
Aqparat boıynsha qylmysty ashýǵa, kúdiktilerdi ustaýǵa birden Túrkistan oblysy polısııa departamenti Uıymdasqan qylmysqa qarsy kúres basqarmasynyń tájirıbeli qyzmetkerleri men jedel-tergeý toby jumyldyryldy.
Tóle bı aýdanynyń aýmaǵynda jedel-izdestirý is-sharalaryn júrgizgen polıseıler 5 mıllıon teńge kólemindegi aqshany alyp turǵan jerinen eki jigitti ustady. Olardyń bireýi buryn sotty bolǵan Tóle bı aýdanynyń turǵyny.
