Dálirek aıtqanda, Qazaqstanda atom elektr stansııasyn salýdyń oryndylyǵy týraly sondaı-aq qazaqstandyqtardyń pikirin bilý úshin referendým ótkizile me degen suraq qoıyldy.
Sátqalıevtiń aıtýynsha, qoǵamdyq pikir mindetti túrde eskeriledi. Bul rette mınıstr atom elektr stansııalaryn salýdyń qoldanystaǵy tártibi jaıly sóz qozǵady.
«Referendým halyqtyń kópshiligi osy stansııany qoldaıtyny nemese qoldamaıtynyn túsiný úshin qajet. Muny qamtamasyz ete alatyn túrli mehanızmder bar. Eger halyq qarsy bolsa, stansııa salynbaıdy. Tıisti erejeler, prosedýralar bar, soǵan sáıkes baqylaý organdaryn úılestirýge jáne qurýǵa qatysty máseleler de bar. Meniń oıymsha, bul bastapqy núkte bolýy kerek. AES - óte kúrdeli joba. Stansııanyń qurylysyn qazirden bastasaq, kem degende 10 jylǵa sozylyp ketetinin túsiný kerek», dep jaýap berdi mınıstr.
Tilshiler Almasadam Sátqalıevtiń jeke pikirin de surady. Osy tusta mınıstr AES qurylysyn jaqtaıtynyn aıtty.
