Kollajdy jasaǵan Qonysbaı ShEJIMBAI, «EQ»
Qazirgi «Ǵylym týraly» zańnyń shıki tustary jóninde osyǵan deıin biraz aıttyq, atalǵan baǵytta kókeıge qonymdy usynysy bar áriptesterimdi de bilemin. Osy oraıda ǵylym nátıjelerin kommersııalandyrý boıynsha oıymdy aıta keteıin.
Ǵylymı jetistikterdiń nátıjelerin óndiriske engizý úshin eń aldymen óńirlerde tehnoparkter ashylýy kerek. Ol tehnoparkterge jer qoınaýyn ıgerýshiler tabysynyń 1 paıyzy esebinen ártúrli baǵyt boıynsha kommersııalandyrýǵa qoldaý kórsetetin komıssııalar qurylyp, naqty bir ǵylym salasynan ǵylymı jetistikterge jetken, óz tehnologııalaryn óndiriske engizgisi keletin ǵalymdarǵa arnaıy ınfraqurylymmen tolyq qamtamasyz etilgen ǵımarattar bólinse, aıaǵyna turyp ketkenshe tehnopark esebinen quqyqtyq jáne ekonomıkalyq kómek kórsetý joldary qarastyrylsa, quba-qup bolar edi. О́ıtkeni bir ǵana salany biletin ǵalym óziniń zertteý nátıjelerin óndiriske engizýde bıznes-jospar ázirleý, quqyqtyq máseleler sekildi qıyndyqtardan asa almaı turalap qalady. Al komıssııa quramy tek sheneýnikter emes, ártúrli sala ǵalymdarynan, ekonomıst jáne zańgerlerden turǵany jón.
Taǵy bir aıta keterligi, tehnopark Ǵylymı-tehnıkalyq saraptama ulttyq ortalyǵy jáne Ulttyq ǵylymı keńesten táýelsiz bolýy qajet. Bul uıymdar ǵylymdy kommersııalandyrýda qosymsha bıýrokratııalyq kedergi keltirip otyr. Olardyń jumysy ǵylymı zertteýlerdi qarjylandyrý máselesimen shektelýi kerek. Al tehnopark ǵylymı zertteý nátıjelerin qoldaýmen aınalysqany durys.
Ǵalymnyń zertteý nátıjeleri qoldaý taýyp, qarjylandyrylǵannan keıin belgili bir aınalymǵa jetkenshe tehnopark qoldaý kórsetip, keıin ornyn basqa áriptesine bosatýy kerek. Ony ashylǵan óndiristiń jyldyq tabysynyń belgili bir deńgeıge jetýi, jumys oryndarynyń ashylýy, básekelestik ortaǵa daıyndyǵy sekildi joldarmen aıqyndaýǵa bolady. Odan bólek belgili bir tabys deńgeıine jetkenshe salyqtyq jeńildikter qarastyrý tetikteri sheshilse, Qazaqstan ǵylymynyń ekonomıkany damytýǵa qyzmet eter kezeńi jaqyndaı túser edi. О́ıtkeni ǵylymı jetistiksiz eshbir el alǵa jyljymaıdy.
Nurbol APPAZOV,
hımııa ǵylymdarynyń kandıdaty
QYZYLORDA
