«Qurmetti Jańaózen qalasynyń turǵyndary, qadirli jerlester!
Búgin barlyǵyńyz áleýmettik jeliden jerlesterimizdiń Astana qalasynda narazylyq aksııasyn uıymdastyryp, polısııa bólimine jetkizilgeni týraly aqparatty kórip otyrsyzdar.
Quqyq qorǵaý organdary ókilderiniń aıtýynsha, jerlesterimizdiń jaǵdaıy jaqsy. Olarǵa qoldanystaǵy zańnama sheńberinde ákimshilik sharalar qabyldanatyn bolady.
Ákimdik turaqty negizde qala aýmaǵynda jańa jumys oryndaryn qurý, jumyssyz azamattardy turaqty jumyspen qamtamasyz etý boıynsha sharalar qabyldaýda», dedi qala ákimi.
Onyń aıtýynsha, Astanada narazylyq bildirgen azamattarmen aldyn ala kelissózder júrgizildi.
«Buryn tenderden jeńilgen kompanııada jumys istegenderge eńbek jaǵdaılary men jalaqylaryn saqtaı otyryp, tenderdi jeńip alǵan kompanııaǵa aýysý usynyldy. Biraq usynys qabyldanbady.
Qasıetti Ramazan aıynda men barshańyzdy sabyrlyqqa shaqyramyn! Máseleniń mánin bilmeı, emosııalarǵa berilmeýlerińizdi jáne arandatýshylardyń sózine erip, qandaı da bir zańsyz áreketterge barmaýlaryńyzdy suraımyn!», dep qosty Aıbek Qosýaqov.
