12 sáýir 2011 jyly ǵylym qyzmetkerleriniń kúni bolyp bekitilip, 2012 jyldan bastap atalyp ótýde.
Qazirgi kezde elimizde 414 ǵylymı mekeme, 22 456 myń ǵalym men zertteýshi bar.
Prezıdent jyl saıyn ǵylymǵa erekshe nazar aýdarylýy keregin atap ótedi. Qasym-Jomart Toqaev bıylǵy Joldaýynda: «Otandyq ǵylymdy damytý máselesi – únemi meniń jeke nazarymda. Bul salanyń elimiz úshin aıryqsha máni bar. Sebebi ǵylymnyń búgingi damýy – eldiń erteńgi tabysynyń kepili», degen bolatyn.
Sondaı-aq dál osy kúni qazaq akademıgi, ǵalym-geolog ári Qazaqstan ǵylym akademııasynyń tuńǵysh prezıdenti Qanysh Sátbaev dúnıege kelgen.
Ol qazaq qoǵamynyń damýyna úles qosqan talantty azamattardyń biri. Qanysh Sátbaev 1942 jyly SSSR ǵylym akademııasynyń qazaq fılıaly Prezıdıýmynyń predsedateli bolyp taǵaıyndalǵan bolatyn. Qysqa merzim ishinde fılıal Qazaqstandaǵy ǵylymı shtatqa aınaldy. Al 1946 jyly Qazaq SSSR ǵylym akademııasynyń qurylýyna, qazaq ǵylymynyń damýyna yqpal etken. Ári Qazaq ǵylym akademııasynyń tuńǵysh prezıdenti boldy.
1961 jyly 12 sáýirde Qazaqstannyń Baıqońyr aımaǵynan tuńǵysh kosmos korabli ǵaryshqa ushqan bolatyn. Sodan beri bul kún ǵaryshkerler kúni bolyp atalyp ótip keledi.
Tuńǵysh ǵaryshker Iýrıı Gagarınnen (1961 jyly) bastap búginge deıin 500-den astam adam ǵaryshqa ushqan.
Olardyń arasynda qazaqtyń úsh ǵaryshkeri - Toqtar Áýbákirov, Talǵat Musabaev, Aıdyn Aıymbetov bar. Toqtar Áýbákirov ǵaryshta 7 kún 22 saǵat 13 mınýt, Talǵat Musabaev 341 kún 9 saǵat 48 mınýt, al Aıdyn Aıymbetov 9 kún 20 saǵat 13 mınýt bolǵan.
