Qasym-Jomart Kemeluly Qazaqstanda ǵylym salasy kenjelep qalǵanyn atap ótti.
«О́kinishke qaraı, elimizde uzaq jyl boıy oǵan basa nazar aýdarylǵan joq. Soǵan baılanysty sheshimin tappaı jatqan máseleler az emes. Tipti, bul sala artta qaldy deýge bolady. Biz órkenıetti el bolamyz desek, osy olqylyqtyń ornyn toltyrýymyz kerek. Sol sebepti meniń Jarlyǵymmen Ǵylym jáne tehnologııalar jónindegi ulttyq keńes quryldy. Oǵan Prezıdent janyndaǵy keńes mártebesi berildi», dedi Prezıdent.
Memleket basshysy óz sózinde Prezıdent janyndaǵy keńestiń mańyzyna toqtaldy.
«Bul – memlekettiń ǵylym salasyndaǵy basymdyqtaryna qatysty usynym ázirleıtin negizgi qurylym. Biz keńesti jasaqtaǵan kezde onyń quramyna aıryqsha mán berdik. Qazaq ǵylymyna zor eńbek sińirgen aǵa býyn ókilderin jáne shetel ǵalymdaryn shaqyrdyq. Álemge áıgili ǵylymı ortalyqtarda jumys istep júrgen jas ǵalymdarymyz da keńestiń quramyna qosyldy.
Bizge aldyńǵy tolqynnyń mol tájirıbesi, keıingi tolqynnyń ozyq bilimi jáne tyń ıdeıalary asa qajet. Olar ózara úılesim taýyp, elimizdiń kádesine jaraıdy dep senemin», dedi Qasym-Jomart Toqaev.
