Shetel prezıdentteri, Úkimet basshylary, kórnekti saıası jáne din qaıratkerleri Elbasy N.Á.Nazarbaev týraly
Vladımır PÝTIN,
Reseı Federasııasynyń Prezıdenti:
– Biz Reseı – Qazaqstan qatynastaryn damytýǵa Sizdiń qanshalyqty zor jeke yqylasyńyzdy bóletinińizdi kórip otyrmyz. Osy tikeleı atsalysýdyń arqasynda bizdiń qarym-qatynastarymyz óte tıimdi túrde ári jedel qarqynmen damyp keledi. Eki memleket arasyndaǵy taýar aınalymynyń kólemi óse túsýde.
Siz ıntegrasııalyq úderisterde, ásirese, onyń eń mándi nysandary men túrleri boıynsha sózsiz kóshbasshysyz. Qazaqstannyń qol jetkizgen tabystary Sizdiń atyńyzben tikeleı baılanysty. Sizdiń eńbegińizdi óz otandastaryńyz ǵana emes, mıllıondaǵan reseılikter de shynaıy qurmet tutady.
Siz eýrazııalyq keńistiktegi ıntegrasııalyq úderisterdiń naǵyz arhıtektory bolyp eseptelesiz.
Sı SZINPIN,
QHR Tóraǵasy:
– Azııadaǵy ózara is-qımyl jáne senim sharalary jónindegi keńestiń bastamashysy – Nursultan Nazarbaev. Biz onyń úlken saıası kóregendigi men aımaqtyq qaýipsizdik pen álemdegi beıbitshilikti qamtamasyz etýdi óziniń paryzy sanaıtyn qasıetine tántimiz.
AО́SShK-ni qurý týraly ıdeıany alǵash ret Qazaqstan Prezıdenti Nursultan Nazarbaev 1992 jyly BUU Bas Assambleıasynyń 47-sessııasynda jarııa etken bolatyn. Bul bastama búginde óz ómirsheńdigin dáleldep, Azııa elderi arasynda bedeli bıik, abyroıy asqaq, aýqymdy uıymǵa ulasty.
Barak OBAMA,
AQSh Prezıdenti:
– AQSh pen Qazaqstan arasyndaǵy strategııalyq áriptestik týraly únqatysý qazirgi zamanǵy shaqyrýlardy sheshýge degen ortaq ustanymdarymyzdyń kýási bolyp tabylady. Men Qazaqstanǵa Aýǵanstandaǵy jaǵdaıǵa baılanysty naqty ustanymy úshin rızashylyq bildiremin. Sizdiń ultaralyq jáne dinı tózimdilikti ilgeriletýdegi kúsh-jigerińizdi joǵary baǵalaımyn.
Devıd KEMERON,
Ulybrıtanııa jáne Soltústik Irlandııa
Birikken Koroldiginiń Premer-Mınıstri:
– Men eń alǵash Sizdiń elge saparmen kelgenime qýanyshtymyn. Bizdiń ekijaqty qatynastarymyz jańa deńgeıge kóteriletinin zor qýanyshpen atap ótkim keledi. Oǵan elderimiz arasyndaǵy strategııalyq seriktestik týraly kelisim aıqyn dálel bolady.
Qazaqstan búginde Sizdiń basshylyǵyńyzben qarqyndy damyp keledi. Qazaqstannyń yqpaly aldaǵy ýaqytta da arta beretinine senimdimiz. Bizder Aýǵanstan boıynsha birlesken jumysty belsendi túrde damytýdamyz. Qazaqstan bul máselede mańyzdy jáne oń ról atqarady. Qazaqstannyń bolashaǵy zor, al Ulybrıtanııa osy bolashaqtyń mańyzdy bóligi bola alady.
Rım Papasy Benedıkt XVI:
– Joǵary mártebeli Qazaqstan Respýblıkasynyń Prezıdenti Nursultan Nazarbaev myrza!
Qazaqstan Respýblıkasynyń ulttyq merekesi Sizge jáne Qazaqstan halqyna beıbitshilik pen órkendeý ıgi tilekterimdi joldaýyma qýanyshty múmkindik týǵyzyp otyr.
Elińizdiń Táýelsizdiginiń merekesine oraı, Jaratýshy elińizdiń turǵyndarynyń neǵurlym úılesimdi ári ádiletti qoǵam qurýyna qýat berip, olardyń otbasylyq, áleýmettik jáne ulttyq ómirleri nurly bolyp, mádenı jáne rýhanı qundylyqtardy qurmetteýdi násip etsin dep tileımin.
Joǵary mártebeli, Sizge jáne eldiń barlyq azamattaryna Jaratqannan shapaǵat tileımin.
Mark Perren de BRIShAMBO,
EQYU-nyń Bas hatshysy:
– Jahandaný jaǵdaıyndaǵy qazirgi álem mádenıetaralyq jáne dinaralyq únqatysýdyń qajettiligin sezinip otyr. Álemdik jáne dástúrli dinder lıderleriniń III sezin ótkizý Qazaqstan EQYU-ǵa tóraǵalyq etetin 2010 jyldyń aldyndaǵy óte jaqsy daıyndyq kezeńi bolyp tabylady.
Angela MERKEL,
GFR Kansleri:
– Jaýapty mindetterdi ári qaraı atqarýyńyzda Sizge zor tabystar men sáttilik tileımin. Ekonomıkalyq, qoǵamdyq jáne saıası reformalardy júrgizýde Qazaqstan budan bylaı da Germanııa tarapyndaǵy qoldaýǵa senim arta alatyn bolady.
KIRILL,
Máskeý jáne Búkil Reseı patrıarhy:
– О́skeleń urpaqpen dinı-aǵartýshylyq jumys júrgizý bilimdi jáne úılesimdi qoǵam qurýǵa aıtarlyqtaı úles qosyp, ultaralyq qatynastardaǵy shıelenis deńgeıin tómendetýge jaǵdaı jasaı alar edi, bul bolashaqta qazirgi zaman betpe-bet kelip otyrǵan kóptegen problemalardan qutylýǵa kómekteseri anyq.
Qazaqstan Respýblıkasynyń Prezıdenti Nursultan Ábishuly Nazarbaevqa dinaralyq únqatysýdy qoldaǵany, ártúrli din ustanýshylardyń júregine jaqyn beıbitshilik pen ózara kómek ıdeıalarynyń jolyn ustanǵany úshin shynaıy rızalyǵymdy bildiremin.
Fahd Ben Ábdel Ázız ÁL SAÝD,
Saýd Arabııasynyń Koroli:
– Joǵary Mártebeli Prezıdent Nursultan Nazarbaev myrza! Basyńyzǵa amandyq tileımin, Sizge Allanyń rahym shapaǵaty jaýsyn! Men Jaratýshy Alladan Joǵary Mártebeli Sizdi jáne Astanada ótip jatqan Álemdik jáne dástúrli dinder kóshbasshylary sezine qatysýshylardy tabysqa jáne izgilikke jetkizip, jarylqaı gór dep tileımin.
Sizdi jáne qazir barlyq ulttar men halyqtar soǵys pen qaqtyǵystan, óshpendilik pen kemsitýshilikten ada dúnıe ornatýdy kóksep, adamzat problemalaryn birlesip sheshýge jáne beıbitshilik pen qaýipsizdik ornatýǵa umtylǵan búgingi tańda osyndaı álemdik sezd ótkizý jónindegi Sizdiń jahatshylyǵyńyzǵa qýattaýshylyǵymdy bildirý qýanyshty jaıt.
Túrli mádenıetter ókilderi, din men qoǵam qaıratkerleri arasynda ózara túsinistikke jetýdiń quraly retinde Siz tańdaǵan únqatysý – bul dúnıe júzinde yntymaqtastyqqa jetýdiń eń sara joly.
Koıtıro MASÝÝRO,
IýNESKO-nyń Bas dırektory:
– Qazaqstan basshylyǵynyń jańa beıbitshil bastamalary IýNESKO tarapynan joǵary baǵalanyp otyr. Qazaqstan Prezıdenti N.Á.Nazarbaevtyń álemniń jekelegen elderiniń ıadrolyq áleýetin eseleýi sııaqty qaýipti úrdisterdiń paıda bolýyna baılanysty alańdaýshylyǵyna qosyla otyryp, Azııadaǵy ózara is-qımyl jáne senim sharalary jónindegi keńestiń Almatydaǵy forýmyn jańa dúnıetanym qalyptastyrýǵa qosylǵan eleýli úles dep sanaımyn. Qazaqstan Prezıdentiniń halyqaralyq bedeli kóp rette Qazaqstandy Azııadaǵy beıbitshilikti nyǵaıtý prosesi lıderleriniń qataryna qosqan AО́SShK jahatshylyqtarynyń tabysqa jetýine járdemdesti. Qazaqstannyń óz jahatshylyǵy boıynsha ıadrolyq qarýdan bas tartý jónindegi sheshiminiń mańyzyn aıqyn kórsetip berdi.
Aleksandr LÝKAShENKO,
Belarýs Respýblıkasynyń Prezıdenti:
– Biz ár joly Astanada bolǵanda, ózimizge áldene alýǵa tyrysamyz. Bul qalada ozyq tehnologııa, qyzǵylyqty arhıtektýralyq oılar bar. Qazaqstandy biz Belarýs úshin eń tıimdi jáne perspektıvaly seriktes retinde tanyp kelemiz. Sizdiń elde biz úshin ártúrli jobalardy júzege asyrýǵa eshqandaı problema joq. Bul yntymaqtastyǵymyzdyń deńgeıi joǵary ekenin kórsetedi.
Lıýbov SLISKA,
RF Memlekettik Dýmasynyń vıse-spıkeri:
– Maǵan jetildirýge bolatyn, ózgeshe jasaýǵa bolatyn nárseni N.Nazarbaevtyń synaýdan taıynbaıtyny qatty unaıdy.
Qazaqstan basshysynyń ózara qarym-qatynastarymyzdy jetildirýge degen ákelik qamqorlyǵy Reseıde iltıpatpen qabyldanady, munda bári de N.Nazarbaevty ish tartyp turady.
Abdýlla GÚL,
Túrik Respýblıkasynyń Prezıdenti:
– Ár saparymda órkendeı túskenine kýá bolyp júrgen Astana qalasy – Qazaqstannyń dınamızmi men Prezıdent Nazarbaev myrzanyń kóregendiligin beıneleıtin eń úlken týyndy. Astananyń qurylys jumystaryna túrik kompanııalary men jumysshylarynyń da úles qosýyn túrik-qazaq yntymaqtastyǵynyń eń ásem nyshandarynyń biri retinde baǵalaımyz.
Emomalı RAHMON,
Tájikstan Prezıdenti:
– Ashyq-jarqyndyǵy, shynshyldyǵy, tartymdylyǵy, adamǵa súıispenshiligi – munyń bári de Nursultan Ábishulynyń tabıǵatyna tán qasıetter.
Qazaq jurtynyń, eliniń kóp ultty halqynyń aldyndaǵy, tarıhtyń aldyndaǵy joǵary jaýapkershilik sezimi onyń boıynan ámanda ajyraǵan emes.
Ol uly uıymdastyrýshy retinde Qazaqstandy Keńesten keıingi keńistiktiń damyǵan memleketteriniń birine aınaldyrdy. Qazaqstannyń áleýmettik-ekonomıkalyq saladaǵy tabystary taǵylym alarlyq.
Naǵyz basshy ǵana osyndaı nátıjelerge jete alady, bul jaǵynan alǵanda, Nursultan Ábishuly – óz halqynyń daýsyz basshysy.
Pan Gı MÝN,
Birikken Ulttar Uıymynyń Bas hatshysy:
– Álemdik jáne dástúrli dinder lıderleriniń III sezine qatysýshylardyń barlyǵyna sálem joldaý men úshin zor abyroı. Men Prezıdent N.Nazarbaevqa jáne Qazaqstan Respýblıkasynyń Úkimetine osyndaı asa qajetti únqatysýǵa búkil álemnen dinı lıderlerdi jınaǵany úshin alǵys aıtamyn.
Toleranttylyq, qurmet, búkil adamzattyń ózara túsinistigi men teń quqyly bolýy sııaqty jalpyadamzattyq qundylyqtar barlyq dinniń ózegi bolyp tabylady, sondaı-aq, ol Adam quqyqtarynyń búkilálemdik deklarasııasynda bekitilgen. Qandaı bolmasyn din jolyn ustanatyn adamdardy beıbitshilikke jáne laıyqty ómirge umtylys biriktiredi. Úlken bir otbasynyń músheleri sııaqty biz ortaq problemalarmen jáne qaýip-qaterlermen betpe-bet kelemiz, barlyq dinge senýshiler ortaq iske óz úlesin qosqan jaǵdaıda ǵana olardy eńserý múmkin bolmaq.
Pak Kyn HE,
Koreıa Respýblıkasynyń Prezıdenti:
– Qazaqstan Ortalyq Azııadaǵy ekonomıkasy áleýetti ári bıznes ahýalǵa eń qolaıly el retinde álemdi moıyndatyp otyr. Bul oraıda, «Qazaqstan-2050» Strategııasy eldi odan ári damytýdyń óte durys tańdalǵan joly bolyp tabylady. Biz Sizdiń elmen yntymaqtasýǵa nıettimiz jáne osy baǵyttaǵy seriktestiktiń tıimdi bolatynyna senimdimiz.
О́tken ǵasyrda qazaqtar qıyn-qystaý kezeńdi bastarynan ótkerip jatqanyna qaramastan, Ortalyq Azııaǵa kúshtep qonystandyrylǵan koreılerge úlken kómek, barynsha qoldaý kórsetti. Al qazir koreıler Qazaqstan qoǵamynyń bólinbes bólshegine aınalyp otyr. Bul jerde qazaqstandyqtardyń sol ashyq-jarqyn minezi koreılerdiń ekonomıkalyq damýyndaǵy tájirıbesimen ushtassa, biz elderimizdiń bolashaqtaǵy ósip-órkendeýin jaqyndata alar edik.
Islam KARIMOV,
О́zbekstan Respýblıkasynyń Prezıdenti:
– О́zbekstanda Sizdi Qazaqstan tarıhynyń betburys sátinde saıası, ekonomıkalyq jáne áleýmettik reformalardyń barysynda basshylyq etken asa kórnekti memleket qaıratkeri dep biledi.
О́zbekstanda Sizdi bizdiń halqymyzdyń naǵyz dosy dep biledi, ári ózińizdiń ózbek-qazaq qatynastarynyń serpindi damýyna qosqan úlesińiz baǵa jetkisiz dep biledi.
Bizdiń memleketterimiz ben halyqtarymyz arasyndaǵy qarym-qatynastar árdaıym tarıhymyzdyń, mádenıetimizdiń, tilimiz ben dinimizdiń jaqyndyǵyna negizdelip keledi. Biz ǵasyrlar boıy qatar ómir súrdik, ómir súrip kelemiz jáne máńgilik birge ómir súre beretinimizge senimim kámil.
Sheıh Abdalla
Ben Ábdel Mýhsın AT-TÝRKI,
Búkil dúnıejúzilik Islam lıgasynyń Bas hatshysy:
– Qazaqstan Respýblıkasynyń Prezıdenti – Joǵary Mártebeli Nursultan Nazarbaev!
Sezdiń Joǵary Mártebeli qadirmendi qatysýshylary men meımandary! Bárińizge tynyshtyq tileımin, barshańa Allanyń rahymy men nury jaýsyn!
Qazaqstan Respýblıkasynyń Prezıdenti Joǵary Mártebeli Nursultan Nazarbaevqa mádenı jáne dinı sanattyń mańdaıaldy ókilderin Álemdik jáne dástúrli ulttyq dinderdiń osy sezine shaqyrǵany úshin alǵysymdy aıtamyn.
Sezdiń qorytyndylary men nátıjeleri belgili bir órkenıettiń quramyndaǵy belgili bir dindi ustanatyn san túrli qaýymdastyqtar men toptardyń arasyndaǵy ózara is-qımyldyń jańa kókjıekterin ashady degen úmittemin.
