Fransııa prezıdenti óz elinen tysqary jerde de da zeınet reformasyna qatysty synnan qashyp qutyla almady. Nıderlandyda Emmanýel Makronnyń sózin zeınet reformasyna qarsy shyǵýshylar bóldi.
Jaǵdaı tártipke keltirilgennen keıin, Makron bul reformany Fransııanyń táýelsiz derjava retindegi bolashaǵy úshin óte qajet elementterdiń biri dep atady.
«Bul óte mańyzdy, áıtpese biz egemendigimiz ben óz betimizshe sheshim qabyldaý múmkindiginen aıyrylamyz. Biz 2050 jylǵa qaraı kómirteginen beıtarap elge aınalamyz, biraq Qytaı jáne Amerıka tehnologııalaryn paıdalanamyz. Bul bizge qaýip tóndiredi ári úlken soqqy bolady. О́ıtkeni mundaı jaǵdaı jumys oryndaryn joıyp, biz óz betimizshe sheshim qabyldaı almaıtyn jaǵdaıǵa jetemiz», dedi Fransııa basshysy.
Makron birneshe ret AQSh pen Qytaıdan «strategııalyq avtonomııa» qurýdy usyndy. Sonymen qatar Beıjińge koronavırýstan keıingi alǵashqy sapary kezinde Fransııa prezıdenti ekonomıkalyq baılanystardyń aıtarlyqtaı nyǵaıǵanyn málimdedi. Emmanýel Makronmen birge birneshe kelisimshartqa qol qoıǵan fransııalyq iri kompanııa ókilderi júrdi.
