TJD habarlaǵandaı, qurbandar men zardap shekkender joq. Kóshkinderdiń basym bóligi qıyn jerlerge túsip, taý baýraıynda toqtady, eshqandaı shyǵyn bolǵan joq.
Sınoptıkterdiń málimetinshe, 6-10 sáýir aralyǵynda Almatynyń taýly aımaqtarynda jaýǵan jaýyn-shashyn saldarynan Shymbulaqta 100 mm jaýyn-shashyn jaýyp, kóktaıǵaqqa aýysty. 106 mm jaýyn-shashyn 104 mm normada jańbyr túrinde Úlken Almaty kóline tústi. Mamandar qar kóshkini qaýpiniń joǵary (qyzyl) deńgeıin jarııalady.
Tótenshe jaǵdaılar departamenti men «Kazselezashıta» almatylyqtarǵa, týrısterge jáne megapolıs qonaqtaryna aýa raıynyń qolaısyzdyǵyna baılanysty taýly aımaqtarda serýendeýden bas tartýdy qatań túrde usyndy.
«Kómek kerek bolsa, myna telefondarǵa habarlasyńyz: 112, 109 nemese 8(727) 372 -15-60 («QR BǴM ROSO» MM kezekshi-dıspetcherlik bólimi)», dep habarlady Almaty qalasy Tótenshe jaǵdaılar departamentiniń baspasóz qyzmeti.
Buǵan deıin Almatyda tas qulaǵannan keıin Medeýge baratyn jol jabylǵan bolatyn.
