Qala ákimimen kezdesýde Áýezov aýdany turǵyndarynyń biri smart baǵdarsham ornatýdy usyndy.
«Eń joǵary júkteme saǵatynda qala joldarynda keptelis paıda bolady. Jol qozǵalysyn retteý úshin aqyldy baǵdarshamdardy ornatý týraly usynysym bar», dedi turǵyn Erbolat Dosaevpen kezdesýde.
Qala ákiminiń aıtýynsha, bul máselede jasandy ıntellekttiń kómegi artyq etpeıdi.
«Qala ornynda turmaıdy. Másele bar. Biz onyń sheshimin belsendi túrde izdeımiz. Jyl sońyna deıin biz baǵdarsham sharýashylyǵynda jasandy ıntellektti qoldaný týraly tolyq málimetti alamyz. Mundaı tájirıbe burynnan bar, tek Almatyda ǵana emes, trafıkke eń joǵary júkteme kezinde baǵdarsham baǵyttarynyń aýysý jıiligi jasandy túrde ózgergen kezde de bar.
Qaǵazdaryńyzdy meniń orynbasarym Asqar Ámrınge tapsyryńyz, ol sizdiń usynysyńyzda ne paıdaly ekenin zertteıdi, anyqtaıdy. Eger sizdiń usynysyńyzdyń utymdy jaqtary bolsa, biz olardy qoldanatyn bolamyz», dep jaýap berdi Almaty qalasynyń ákimi.
