Sahna tórinde – «Aleko»

Dırıjer, joba avtory Abzal Muhıtdınniń jetekshiligindegi or­kestr­diń, Qazaqstannyń eń­bek sińir­gen ártisi Iýrıı Kolchınniń j­etek­shi­li­gindegi Soltústik Qazaq­stan ob­lystyq fılarmonııasy hor ártis­­teriniń, solısterdiń shabytty óner kór­setýi konserttik oryndaýdy ár­lendire tús­ti. Sondaı-aq oǵan tap­­qyrlyqpen jasalǵan sse­no­gra­fııalyq dúnıeler kórik berdi.

Rahmanınovtiń mýzykasy keıip­ker minezderimen birge oınap, ózen jaǵasynda jaıylǵan syǵandar tabo­rynyń kórkem sýretin kóz aldyńa ákeledi. Áýezdi áýende barshamyzǵa tanys mahabbat, qyzǵanysh, ishki úreı men qaıǵyly qaza saryny estiledi.

Basty keıipkerlerdi «Astana Opera» solıs­teri, «Astana Ope­ra» ha­­­lyq­­aralyq opera akademııasynyń shákirt­teri men «Gelıkon Ope­ra» jastar opera baǵ­dar­lamasynyń solısteri som­dady. Atap aıtsaq, Din­muhamed Kósh­kinbaev pen Vasılıı Ýpo­rov jas ta ózimshil Ale­konyń basty partııa­syn oryndady. Basty keıipkerdiń opera óneriniń úzdik týyndylaryna jatatyn «Tabordyń barlyǵy uıqyda» kavatınasy olar­dyń oryndaýynda áser­li shyrqaldy.

– Meniń keıipkerim jalǵyzdyqtan qınalyp, meıirim men jylýlyq izdeıdi, alaıda onyń ba­qytty otbasylyq ómir jaıly armandary oryn­dal­maıdy. Ol Zemfırany ólerdeı qyzǵanady. Bul sezim boıyn túgeldeı bı­lep, sanasyn torlap tas­taǵan. Sol sebepti Aleko ózine adal bola almaǵan súıiktisin óltiredi. Osy týyndydaǵy barlyq emosııa boıaýyn aýdıtorııaǵa jetkizý úshin biz dırıjer – maestro Abzal Mu­hıtdınmen úlken jumys atqardyq. Daıyndyq ba­ry­synda operanyń qa­laı jazylǵany jaıly kóptegen derekti bilip, keıip­kerlerdiń mýzykalyq beınelerin ashtyq. О́z teatrymyzdaǵy premerada «Alekony» oryndaý – men úshin zor mártebe, – dedi Dinmuhamed Kóshkinbaev.

Qart syǵandy Shyń­ǵys Rasylhan men Ilıa Mar­kov tanystyrdy. Jas syǵan partııasynda qońyr daýys­ty tenor­lar Narul Toıkenov pen Vla­dıslav Chıjov óner kórsetti. Zemfıra sulýdy Galına Cheplakova men Qazaqstannyń eńbek sińir­gen qaıratkeri Aıgúl Nııazova somdasa, qart sy­ǵan áıeliniń partııasynda Tatıana Vısınskaıa men Gúljanat Sapaqova sahnaǵa shyqty.

Mánerlep oqýshy – Qazaqstannyń eńbek sińir­gen qaıratkeri, Qyr­ǵyz­­stannyń halyq ártisi, elordadaǵy M.Gorkıı atyndaǵy drama teatrdyń rejısseri Sergeı Mat­veevti erekshe atap ótkimiz keledi. Onyń oqýynyń ná­tıjesinde konserttik oryndaýdaǵy opera 19 jas­taǵy Rahmanınov 17 kún­niń ishinde jazǵan klassıkalyq kúıinde usynyldy.