Áskerı keńeste áskerlerdiń 2023 jyldyń birinshi toqsanyna qorytyndylar shyǵarylyp, aldaǵy kezeńge mindetter qoıyldy. Ulttyq ulannyń Bas qolbasshysy áskerı keńestiń otyrysy barysynda jaýyngerlik jáne jumyldyrý daıyndyǵyn arttyrý, jeke quramnyń moraldyq-psıhologııalyq jaı-kúıin nyǵaıtý máselelerine erekshe nazar aýdardy, bul rette barlyq sanattaǵy áskerı qyzmetshilerdiń áskerı tártibine basty nazar aýdaryldy.
«Komandır - bárine úlgi! Vzvod, rota, batalon komandırleri barlyq jeke quram úshin tártiptiliktiń úlgisi bolýy kerek. Aldymen komandır ózine talap qoıyp, sodan keıin baǵynyshtylardan talap etýi kerek», dep atap ótti general-maıor Erkin Botaqanov.
Atalǵan áskerı keńeste Ulttyq ulan Bas qolbasshysynyń birinshi orynbasary-Bas shtab bastyǵy general-maıor Qaırat Aqtanov, Ulttyq ulan Bas qolbasshysynyń orynbasary general-maıor Baýyrjan Ábjanov jáne Halyq qaharmany, Bas qolbasshynyń tárbıe jáne áleýmettik-quqyqtyq jumys jónindegi orynbasary polkovnık Qaırat Úmbetov baıandama jasady. Baıandamashylar óz sózderinde bólimder men bólimshelerdiń qyzmettik-jaýyngerlik qyzmetin uıymdastyrý, kadrlardy nyǵaıtý, áskerı tártip pen quqyqtyq tártipti saqtaý boıynsha ózekti jáne problemalyq máseleler kóterildi.
Otyrys barysynda óńirlik qolbasshylyqtar, Akademııa jáne áskerı bólimder qolbasshylyǵynyń laýazymdy tulǵalary tyńdaldy, olarǵa qyzmettiń tapsyrylǵan ýchaskelerinde jumysta kemshilikter kórsetildi.
Sondaı – aq Áskerı keńes barysynda el basshylyǵy quqyqtyq tártip áskerleriniń problemalyq máseleleri boıynsha habary bar ekeni aıtylyp, Memleket basshysy men Ishki ister mınıstriniń qoldaýymen bul máseleler kezeń-kezeńimen sheshiletini atap ótildi. 7 mamyr – Otan qorǵaýshylar kúni el Qarýly Kúshteriniń Joǵarǵy Bas qolbasshysynyń qatysýymen búkil armııa keńesi ótetini týraly aqparat jarııalandy.
Áskerı keńes otyrysynyń qorytyndysy boıynsha basshylyq etý jáne oryndaý úshin óńirlik qolbasshylyqtar men áskerı bólimderge jiberiletin qaýly qabyldandy.
Aıta keteıik, 2023 jyldyń birinshi jartyjyldyǵynyń qorytyndysy boıynsha áskerı keńestiń kelesi otyrysy Qaraǵandy qalasynda ótedi.
