Kezdesý barysynda taraptar Qazaqstan men Koroldik arasyndaǵy saýda-ekonomıkalyq jáne ınvestısııalyq yntymaqtastyqty nyǵaıtý men keńeıtý máselelerin talqylady. Qazaqstandyq dıplomat sheteldik ınvestorlar úshin qolaıly jaǵdaı men ekojúıe qurýǵa baǵyttalǵan QR Prezıdenti Qasym-Jomart Toqaevtyń aǵymdaǵy reformalary men jańa bastamalary týraly aıtyp berdi.
B. Aryn eki memleket arasynda «Flynass» saýdtyq áýekompanııanyń josparlanǵan tikeleı áýeqatynasyn ashýy Qazaqstan men Saýd Arabııasynyń isker toptarynyń ózara is-qımylyn jandandyrýǵa qosymsha serpin beretinin, sondaı-aq ózara týrıstik aǵymdy ulǵaıtýǵa jol ashatynyn atap ótti.
Sonymen qatar elshi ótken jyly Koroldiktiń jetekshi qalalarynda ótkizilgen týrıstik roýdshoýlardyń arqasynda Qazaqstanǵa týrıstik maqsatta kelgen Saýd Arabııasy saıahatshylarynyń sany kovıdke deıingi kezeńmen salystyrǵanda on ese artqanyn aıtty.
Saýd azamattary úshin Qazaqstandy jańa jáne perspektıvaly týrıstik baǵyt retinde ilgeriletýdiń osy tabysty tájirıbesiniń negizinde ústimizdegi jylǵy mamyr aıynda týrkompanııalardy, qonaqúıler bıznesiniń ókilderin, jergilikti áýekompanııalar men múddeli bıznesmenderdi tarta otyryp, Jıdda SО́P janynda kezekti roýdshoý ótkizý týraly ýaǵdalastyqqa qol jetkizildi.
Sonymen qatar kezdesý barysynda elshi Jıdda SО́P basshylyǵynyń qarastyrýyna týrızm, aýyl sharýashylyǵy, energetıka jáne t.b. salalardaǵy birqatar ınvestısııalyq jobany tabystady.
О́z tarapynan M. Naǵı saýda-ekonomıkalyq jáne ınvestısııalyq yntymaqtastyqtyń qolda bar áleýetin joǵary baǵalap, Jıdda SО́P atynan iskerlik baılanystardy nyǵaıtýǵa barynsha járdemdesýge daıyn ekenine sendirdi.
