«Qazirgi ýaqytta úıindilerdiń astynan 2000 jyly týǵan zardap shekken áıel jáne 1994 jyly týǵan qaıtys bolǵan azamattyń máıiti tabyldy. Medısınalyq kómekke 12 adam júgindi, onyń ishinde 8 bala. 5 adam aýrýhanaǵa jatqyzyldy», delingen TJM habarlamasynda.
Úıindilerdi taldaý boıynsha jedel jumystar jalǵasyp jatyr. 30-dan astam tehnıka men 300-ge jýyq adam jumyldyryldy. Atap aıtqanda, qutqarýshylar, onyń ishinde kınologııalyq esep, Ulttyq ulannyń áskerı qyzmetshileri, jergilikti atqarýshy organdar, jedel medısınalyq kómek, polısııa kómekke keldi.
Eske salaıyq, 17 sáýir kúni tańǵy bester shamasynda Jańaózendegi eki podezdi 12 páterli turǵyn úıde gaz ballony jarylǵan bolatyn. Bir kireberis qulaǵanda 11 adam zardap shekti.
Keıinirek Jańaózendegi jarylysqa baılanysty jedel shtab qurylyp, jedel jeli telefony ashyldy 8/7292/31-90-99.
