«Qutqarýshylar úıindilerden taǵy úsh adamdy alyp shyqty: er adam, áıel adam jáne bir bala. Qazirgi jaǵdaı boıynsha qutqarýshylar úıindilerdiń astynan 4 aman qalǵan adam jáne 3 adamnyń máıitin alyp shyqty», delingen TJM habarlamasynda.
Vedomstvo málimetinshe, qutqarylǵandardy jáne medısınalyq kómekke júgingenderdi qosqanda barlyǵy 8 adam aýrýhanaǵa jatqyzylǵan.
Úıindilerdi taldaý boıynsha jedel jumystarǵa 40-qa jýyq tehnıka men 350-ge jýyq adam jumyldyryldy.
Eske salaıyq, 17 sáýir kúni tańǵy bester shamasynda Jańaózendegi eki podezdi 12 páterli turǵyn úıde gaz ballony jarylǵan bolatyn. Bir kireberis qulaǵanda 11 adam zardap shekti.
Keıinirek Jańaózendegi jarylysqa baılanysty jedel shtab qurylyp, jedel jeli telefony ashyldy 8/7292/31-90-99.
«QazMunaıGaz» Jańaózendegi tótenshe jaǵdaı saldarynan baspanasyz qalǵan turǵyndarǵa jańa páter beretinin habarlady.
