Otyrysty ashqan Máýlen Áshimbaev senatorlardyń ótken aptada Reseı Federasııasyna jasaǵan saparyna, sonyń barysynda TMD elderiniń depýtattarymen birlesip talqylanǵan mindetterge toqtaldy.
Sonymen qatar Bıýro músheleri Palatanyń aldaǵy otyrysynyń kún tártibin bekitti. Soǵan sáıkes beısenbi kúni senatorlar «Qazaqstan Respýblıkasynyń Úkimeti men Túrikmenstan Úkimeti arasyndaǵy Qazaqstan-Túrikmenstan memlekettik shekarasynyń rejımi týraly kelisimdi ratıfıkasııalaý týraly» zańdy qaraıdy. Bul Kelisim memlekettik shekarada Qazaqstan men Túrikmenstan arasyndaǵy qatynastardyń quqyqtyq negizin ózara belgileýdi jáne retteýdi kózdeıdi.
Sondaı-aq Bıýro otyrysynda buǵan deıin Májilisten kelip túsken zańdar jumys úshin Senattyń Komıtetterine bólinip berildi.
