Konkýrs eki kezeńnen (óńirlik jáne respýblıkalyq) turady. Qatysýshylar úsh atalym boıynsha anyqtalady: «Úzdik eńbek áýleti» – eńbek ótili eń uzaq, marapaty eń kóp áýlet tańdalady; «О́ndiristiń úzdik jas mamany» – jumys ótili 5 jyldan aspaıtyn, eń belsendi jáne eńbekqor óndiris jumyskeri tańdalady; «Jumys isteıtin jastardyń úzdik tálimgeri» – jumys ótili keminde 20 jyl, joǵary tıimdi jumys isteıtin tálimger tańdalady.
Konkýrsqa kásiporyndardyń (salasyna qaramastan) barlyq qyzmetkeri qatysa alady. Jeńimpazdardy arnaıy respýblıkalyq komıssııa anyqtaıdy.
EHÁQM baıqaýǵa eńbek áýletteriniń ókilderin, sondaı-aq bastamashyl jas qyzmetkerlerdi jáne olardyń tálimgerlerin belsendi qatysýǵa shaqyrady.
Baıqaýǵa qatysty ózge aqparatty bilý úshin Jumyspen qamtýdy úılestirý jáne áleýmettik baǵdarlamalar basqarmasyna nemese oblystardyń, Astana, Almaty jáne Shymkent qalalarynyń Eńbek ınspeksııasy jónindegi basqarmasyna, sondaı-aq QR EHÁQM Eńbek qatynastary jáne áleýmettik áriptestik basqarmasyna 8 (7172) 74-35-11 habarlasýǵa bolady.
