Qoǵam • 18 Sáýir, 2023

Sýısıd tek áskerde bolady deý qate pikir - Bas áskerı prokýratýra

460 ret

kórsetildi

1 mın

oqý úshin

Áskerdegi sarbazdardyń ólimi jıilegennen keıin, qoǵamda áskerılerdiń óz-ózine qol jumsaýy kóp bolady degen pikir qalyptasqany ras. Degenmen, bas áskerı prokýrordyń birinshi orynbasary, ádilet podpolkovnıgi Maqsat Qazıev onyń shyndyqqa janaspaıtynyn aıtty, dep habarlaıdy Egemen.kz.

Aıtolǵan JÚNISHAN

Sýısıd tek áskerde bolady deý qate pikir - Bas áskerı prokýratýra

Bas áskerı prokýrordyń birinshi orynbasary bundaı pikirdiń resmı málimettermen sáıkes kelmeıtinin aıtady.

«Quqyqtyq statıstıka komıtetiniń málimetinshe, 2018-2022 jyldary Qazaqstanda 17 631 sýısıd jáne 21 332 oǵan oqtalý jaǵdaıy tirkelgen, ıaǵnı 10 myń azamatqa 9 sýısıd jáne 11 óz-ózine qol jumsaýǵa oqtalý keledi. Olardyń 86 sýısıdi jáne 20 óz-ózine qol jumsaýǵa oqtalý deregi áskerde bolǵan, ıaǵnı 10 áskerı qyzmetshige 6 sýısıd jáne 1 óz-ózine qol jumsaýǵa oqtalý keledi», dedi ol.

Maqsat Qazıevtiń pikirinshe, bul derekter sýısıd kóbine áskerde bolady degen túsinikti joqqa shyǵarady.