Azamattyq is oblystyq mamandandyrylǵan aýdanaralyq ekonomıkalyq sotynda qaralyp jatyr. Qala ákimdigi apattyń saldaryn joıýǵa bólingen qarjyny kásiporynnan óndirip almaq.
Eske salaıyq, 2022 jyldyń 28 qarashasy men 8 jeltoqsany aralyǵynda Ekibastuz JEO-da bolǵan apatqa baılanysty tehnogendik tótenshe jaǵdaı jarııalanǵan edi.
Sol tusta jylýsyz qalǵan 100-ge jýyq turǵyn úıdegi jaǵdaıdy rettep, jelilerdi aýystyrý úshin eldiń basqa óńirinen jumysshylar jumyldyryldy. Olardy ornalastyryp, tamaqtandyryp, tótenshe jaǵdaı kezinde jumys istegen tehnıkalardy janar-jaǵarmaımen qamtý úshin jergilikti bıýdjettiń tótenshe jaǵdaıda paıdalanylatyn qorynan 22 mln teńgeden astam qarjy bólingen.
Qalalyq prokýratýranyń usynysy boıynsha kásiporynǵa atalǵan shyǵyndardy óteý týraly aryz, daýdy sotqa deıin retteý týraly talap joldanǵan. Al «Ekibastuzjylýenergo» JShS aqshany qaıtarýdan bas tartqan.
