Depýtattardyń aıtýynsha, byltyr 131 myńnan astam bozbala áskerge shaqyrylsa, 13 prosenti jaramsyz ekeni anyqtalǵan. Senatorlar jasóspirimderdiń tán men rýh tárbıesi qolǵa alynýy tıis degen paıym aıtty. Sebebi qazirgi kezde mindettelgen kvotany toltyrý úshin ásker qataryna densaýlyǵy joq bozbalalar da ketip jatyr.
«Áskerge shaqyrý komıssııasynyń aldyna kelgenshe ár balanyń búkil psıho-fızıkalyq portreti jınaqtalýy tıis. Bul saralanǵan aqparat sýısıdke barý, álimjettik kórsetýge beıim adamdardy erte anyqtap, kóp máseleniń aldyn alady», dedi depýtattar.
Sondaı-aq áskerı qyzmetshilerdiń jalaqysyn arttyrý, áskerı jáne azamattyq dárigerlerdiń jalaqysyn teńestirý, turǵyn úı satyp alý úshin bastapqy jarnany tómendetý sharalary qaraldy.
