Olar adamdar tobynyń aldyn ala sóz baılasýy arqyly megapolısti abattandyrý jónindegi memlekettik satyp alý kelisim shartyn oryndaý kezinde kásipkerden qamqorlyǵy úshin 60 mln teńge mólsherinde para aldy degen kúdikke ilinip otyr. Shymkent qalasy sotynyń sanksııasymen ákimniń orynbasary 2 aı merzimge qamaýǵa alyndy. Tergeý jalǵasyp jatyr.
Sybaılas jemqorlyqqa qarsy qyzmeti ózge aqparat jarııa etýge jatpaıtynyn aıtty. Konstıtýsııanyń 77-baby 3-tarmaǵynyń 1-tarmaqshasyna jáne qylmystyq-prosestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin olar kinásiz bolyp esepteledi.
Al Shymkent qalasynyń Antıkor qyzmeti kúdikke ilingen ákim orynbasary qaı aýdan ákiminiń orynbasary ekenin tergeý qupııasyna siltep, jarııalamady.
