«Inflıasııa ósken saıyn halyqtyń naqty tabysy qunsyzdanyp jatyr. Jurttyń tabysyn áleýmettik salanyń shyǵysy esebinen arttyrýdyń da shegi bar. Biz osy shekke jetken sııaqtymyz. Buǵan qosa, tutyný nesıeleriniń kólemi artyp barady. Bul áreket – ınflıasııa kezinde jan baǵýdyń amaly. Biraq mundaı ahýaldyń áleýmettik jáne saıası saldary óte aýyr bolýy múmkin. Tipti, bankterdiń ózine qaýip tóndirýi yqtımal», dedi Prezıdent.
Memleket basshysynyń aıtýynsha, nesıeni, eń aldymen, paıda ákeletin bızneske, ıaǵnı tıimdi jobalarǵa berý kerek. Sonda jalaqysy joǵary jumys oryndary paıda bolady. Jurttyń kásipkerlikpen aınalysýǵa yntasy artady. Bir sózben aıtsaq, azamattardyń tabysyn kóbeıtýge múmkindik týady.
