«Men búgin reformalarymyzdy júzege asyrýdaǵy birqatar olqylyqtarǵa, túıtkilderge toqtaldym. Negizgi másele – jumystyń sapaly oryndalmaýynda. Sol sebepti naqty nátıjege qol jetkize almaı otyrmyz. Onyń túrli sebebi bar. Keıbir memlekettik qyzmetshiler, basshylar óz jumysyna selqos qaraıdy, belsendi emes. О́zine jaýapkershilik alýdan tartynady.
Bul, ásirese, bıýdjet qarjysyn ıgerý isinde qatty baıqalady. Olar jumysty sapaly oryndaýǵa emes, tapsyrmany der kezinde baqylaýdan alýǵa basa mán beredi. Sonyń zardabyn bárimiz tartyp otyrmyz. Jarııa etilgen kóptegen reforma áli de baıaý júrip jatyr. Ony moıyndaýymyz kerek. Sondyqtan Úkimet eski jumys tásilin túbirimen joıý úshin erik-jiger tanytýǵa tıis», dedi Prezıdent.
Sondaı-aq Memleket basshysy elde zań men tártip qatań saqtalýy qajet ekenin atap ótti.
«Zań ústemdigi bolmasa, turaqtylyq ta bolmaıdy. Al turaqtylyq joq jerde eshqandaı damý da bolýy múmkin emes. Sondyqtan azamattarymyz zańǵa baǵynýy kerek, al quzyrly organdar zań buzýshylyqtyń aldyn alýǵa tıis. Qoǵamnyń qaýipsizdigin jáne turaqtylyǵyn saqtaý – memlekettiń basty mindeti. О́rkenıetti elderdiń bárinde solaı. Ákimder – memlekettiń jergilikti jerdegi ókili. Sondyqtan bul jumysqa basa mán berý qajet», dedi el Prezıdenti.
