Bul – memleket damýynda, eldiń ál-aýqatyn kóterýde mańyzdy ról atqaratyn ádiletti qadam. О́ıtkeni monopolızm ‒ halyqtyń áleýmettik jaǵdaıyn álsiretetin, kásipkerlerdi aıaqtan shalatyn, bıznes salasynyń iri bóligin bir ǵana tulǵanyń bılep-tósteýine ákeletin jaǵymsyz qubylys. Ekonomıkanyń belgili bir salasyn ýysynda ustap otyrǵandar qoldaǵy maıly shelpekten aıyrylǵysy kelmeıdi, al nesibeden qaǵylǵan qarapaıym halyqqa onyń dámin tatý da arman.
Elimizde Monopolııaǵa qarsy kúres týraly zań bar bolsa da, onyń is júzinde oryndalýy mánsiz bolyp tur. Sondyqtan jańa Parlament bul zańdy zaman talabyna saı, óz deńgeıinde jumys isteı alatyndaı tıisti tetiktermen tolyqtyryp, qaıta qaraýy qajet. Qujat adal básekelestikti, áleýmettik teńdikti qamtamasyz etetin mazmunda bolyp, memleketke, halyqqa jumys isteýi kerek. Sonymen birge monopolııaǵa qarsy kúrespen aınalysatyn memlekettik organnyń ókilettigi naqty belgilengeni mańyzdy. О́z kezeginde jaýapty organ atqaryp jatqan jumysy, is-sharalar nátıjesi boıynsha turaqty esep berip otyrýy kerek.
Roza О́MIRTAI,
Narhoz ýnıversıtetiniń professory, zań ǵylymdarynyń kandıdaty
