Qytaı men Úndistan álem halqynyń úshten bir bóligin quraıdy. BUU jaqyn arada Úndistan halqy 1,4257 mlrd-qa jetýi múmkin dep boljam jasap otyr. Bul Qytaı halqynan 2,9 mln-ǵa kóp.
Bul týraly demografııadaǵy ózgerister týraly baıandamada aıtyldy. Sońǵy jyldary Qytaıda bala týý kórsetkishteri tómendeı bastaǵan. Sondyqtan da Qytaı «bir bala» saıasatynan bas tartqan.
«Halyq sany úreı týdyrmaýy kerek. Kerisinshe, adamdardyń jeke tańdaý quqyǵy saqtalsa, bul sandar progrestiń, damýdyń jáne ambısııanyń ósýiniń sımvoly retinde qarastyrylýy kerek», dedi BUU-nyń Úndistandaǵy ókili Andrea Voınar.
