«14 jáne 17 sáýirde Shekara qyzmetiniń Jambyl oblysy boıynsha departamentiniń Aqsý jáne Keńes shekara bólimsheleriniń ýchaskelerinde memlekettik shekarany buzǵan Qyrǵyzstannyń úsh azamaty ustaldy. Ustalǵandarǵa qatysty tekserý sharalary júrgizilip jatyr», delingen UQK Shekara qyzmetiniń habarlamasynda.
Sonymen qatar 14 sáýirde Jambyl oblysyndaǵy «Sypataı batyr» avtomobıl ótkizý beketinde shekarashylar Qyrǵyzstannan Qazaqstanǵa temeki ónimderiniń iri partııasyn – 20 160 qorap temekini zańsyz ákelý áreketin toqtatty. Taýardyń aldyn ala smetalyq quny shamamen 5,4 mıllıon teńgeni quraıdy.
Anyqtalǵan júk prosessýaldyq sheshim qabyldaý úshin Merki aýdandyq memlekettik kirister basqarmasyna berildi.
