Memleket basshysy Qasym-Jomart Toqaev óz sózinde jastardy qoldaý, olardyń jumysqa ornalasýyna járdemdesý qajet ekenin birneshe ret atap ótken edi.
2022 jyl basynan qazirgi ýaqytqa deıin Astana qalasy ákimdiginiń «Astana jastary» JRO» KMM tórt bos jumys oryndar jármeńkesin ótkizgen bolatyn, oǵan elordanyń 160-tan astam jumys berýshi, 2400-den astam jastar men stýdentter qatysty jáne 1800-den astam bos jumys orny usynyldy, onyń barysynda 250-ge jýyq adam jumysqa ornalastyryldy.
Bos jumys oryndary jármeńkesine qatysýǵa 20-dan astam iri jumys berýshi ótinim berdi, onyń ishinde Qazaqstan Respýblıkasy Aqparat jáne qoǵamdyq damý mınıstrligi «Taldaý jáne aqparat ortalyǵy» ShJQ RMK, «Astana Opera» memlekettik opera jáne balet teatry» Kommersııalyq emes aksıonerlik qoǵamy, «Basqarýshy kompanııa «Qazmedıa ortalyǵy» JShS, «Arena S» (Arena S), Sulpak JShS, «DESIDERIO» JShS, «Qazposhta» AQ «Astana pochtamt» AF, «Kazahtelekom» AQ, «Astanaenergosbyt» JShS jáne basqalary bar.
Bos jumys oryndar jármeńkesi barysynda jumys berýshiler óz kompanııalarynyń prezentasııasyn ótkizip, bos vakansııalaryn usynyp, ózderine degen eń qolaıly kandıdattardyń bazasyn qalyptastyrady. Jumys izdeýshiler, óz kezeginde kompanııalardyń HR-menedjerlerimen tildesip, suhbattasýdan ótip, ózin qyzyqtyrǵan suraqtaryn qoıa alady.
