«TúrkPA múshe elderindegi saýda-ekonomıkalyq áleýetiniń ıntegrasııasy: jańa jaǵdaıdaǵy kóliktik qańqanyń bolashaǵy» – otyrystyń taqyryby boldy. Senator basqa elderdiń parlamentshilerimen birlesip «Sıfrlyq qarjy aktıvteri týraly» úlgi zań jobasyn talqylady.
Kezdesýge qatysýshylar «Saýda ókildikteri týraly» jáne «Aınalymǵa shyǵarylatyn ónimniń qaýipsizdigi men sapasynyń negizderi týraly» úlgi zańdardy ázirleýge kiristi.
Jıyn sońynda «TúrkPA-ǵa múshe memleketterdiń saýda ókildikteri: ulttyq ekonomıkany nyǵaıtý jáne birlesken ekonomıkalyq yntymaqtastyqqa úles qosý» taqyryby boıynsha Komıssııanyń kelesi 11-shi otyrysynyń ótetin kúni men orny anyqtaldy.
