Jıynǵa qatysqan Oqý-aǵartý vıse-mınıstri Edil Ospan ulttyq joba aıasynda qaı kózderden qansha qarajat jumsalatynyn aıtty.
«Ulttyq joba aıasynda apatty mektepterdi, úsh aýysymdy oqytýdy jáne mektepter tapshylyǵyn boldyrmaý úshin 401 jaıly mektep salynady. Onyń ishinde 226 mektep 2024 jyly iske qosylady. Qalǵan 175-i 2025 jyldyń aıaǵyna deıin iske qosylady dep josparlanýda», dedi ol.
Sondaı-aq Edil Ospan Ulttyq jobany iske asyrý úshin 2023-2025 jyldar aralyǵynda respýblıkalyq bıýdjet pen Ulttyq qordan 2,6 trln teńge kózdelgenin eske saldy.
«Onyń ishinde qurylys jumystaryna 1 trln 360 mln teńge qarastyrylǵan. Atap aıtsaq, 2023 jyly 0,5 trln teńge, 2024 jyly 1,1 trln teńge, 2025 jyly 1 trln teńge ıgeriledi. Onyń syrtynda mektepterdi kútip ustaýǵa 200 mlrd teńge qarastyrylǵan», dedi E. Ospan.
