«Folıant» baspasy: Qazir oqyrman suranysy ártúrli. Biraq, qazaq jazýshylary kóp oqylady. Sonyń ishinde eń kóp suranysta dep Dýlat Isabekovtyń «Qarǵyn» kitabyn aıtýǵa bolady. Jastar kóp oqıdy. Odan keıin tarıhı kitaptar, máselen, «Kóshpendilerdi» suraıdy. Muhtar Maǵaýınniń kitaptaryn alady. Ǵabıt Músirepovtyń «Ulpan» romany da oqylymdy. Abaı Qunanbaıulynyń qara sózderin izdep jatady.
Bizde balalar ádebıeti de suranysqa ıe. Sonyń ishinde mektep jasyndaǵy balalar «Meniń atym Qojany» jaqsy kóredi.
«Mazmundama» baspasy: Bizde kóbine motıvasııalyq, psıhologııalyq kitaptar suranysqa ıe. Oqyrmandar sol baǵyttaǵy kitaptardy kóp alady. Sońǵy kezderdegi top-3 kitapty atap ótýge bolady. Qazir bizde birinshi orynda jaqynda jaryq kórgen Perızat Myrzahmettiń «О́mirdiń aty M» kitaby bolsa, ekinshi orynda «Tarmaqtar» jobasy shyǵarǵan kitap. Kóp oqyrman izdep keledi. Ol kitapta qazaq aqyndarynyń óleń joldary jazylǵan ári kitaptaǵy QR arqyly óleńdi tyńdaýǵa bolady. Al úshinshi orynda «Ferrarıin satqan monah kitaby» der edim. Odan keıingi tizimdi motıvasııalyq, psıhologııalyq kitaptarmen jalǵastyrýǵa bolady.
«Qasym kitap» baspasy: Bizdiń kitaptar klassıkalyq ádebıetter. Iаǵnı oqyrmandarymyz da klassıkany jaqsy kóretin, izdep oqıtyn oqyrmandar. Jas oqyrmandarymyz óte kóp. solardyń arasynda Dýlat Isabekovtyń «Qarǵyn», «Gaýhartas» romandary men Ázilhan Nurshaıyqovtyń «Mahabbat qyzyq mol jyldar» romany óte kóp oqylady.
«Otbasy hrestomatııasy» baspasy: Bizdegi eń oqylymdy, suranysqa ıe kitap - ol «Beısen jáne bolmys». Odan keıin ata-ana men balaǵa arnalǵan kitabymyz bar. Ishinde kún saıyn oryndaýǵa arnalǵan tapsyrmalary bar, shaǵyn ertegisi bar, hıkaıasy bar, bir oqıǵasy bar, Ybyraı Altynsarınniń, Ahmet Baıtursynulynyń mysaldary bar. 30 sabaqtan turatyn jınaq. Odan keıin kezinde Alash azamattary aýdarǵan áńgimelerdi shyǵarǵanbyz. Ol da suranysta, óz oqyrmandary bar.
