Iran elshiligi bul kórmege ıran ádebıeti klassıkteriniń kitaptaryn alyp kelgen. Sondaı-aq adamdardyń qyzyǵýshylyǵyn týdyryp jatqan qolóner buıymdary qoıylǵan.
«Biz bul kórmege jyl saıyn qatysamyz. Kitaptarmen qosa ıran mádenıetin tanystyratyn qolóner týyndylaryn kórsetemiz. О́tken jyly qatysqan kezde Qazaqstan tarapynan qyzyǵýshylyq óte joǵary boldy. Sondyqtan bıyl Irannan arnaıy eki sheberdi shaqyrdyq. Bul joly kórmege Iran klassık aqyndary kitaptary, avtorlardyń aýdarmalary qoıyldy», dedi Iran elshiliginiń mádenı bólim qyzmetkeri.
Sondaı-aq sheberler qolóner jumystaryn tanystyrdy. Erekshe kózge túsken Iran kallıgrafııasy týyndylary boldy. Sheber ártúrli jazýlardy parsy tilinde kórkem týyndyǵa aınaldyryp arnaıy jazyp beredi.
