2022 jyly 6 qańtar kúni Ulttyq qaýipsizdik komıteti Kárim Másimovke memleketke satqyndyq jasady degen aıyp taǵyp, QR Qylmystyq kodeksiniń 175-babynyń 1-bóligi boıynsha tergeýge alǵan edi. Sonymen qatar, onyń orynbasarlary da kúdikke ilingen.
Buǵan deıin Bas prokýror Kárim Másimovtiń 17 jylǵa deıin bas bostandyǵynan aıyrylýy múmkin ekenin aıtqan.
Sot prosesi «asa qupııa» túrde ótkizildi.
Astana qalalyq sotynyń resmı málimetine sáıkes, Sot sheshimi boıynsha QR UQK burynǵy tóraǵasy 18 jylǵa sottaldy. Al onyń orynbasarlary A.Sadyqulov - 16 jylǵa, D.Erǵojın taǵylǵan aıyptarǵa sáıkes - 15 jylǵa, M.Osıpov bolsa bılik pen laýazymdyq ókilettigin asyra paıdalaný babymen 3 jylǵa bas bostandyǵynan aıyryldy. Sondaı-aq olar ómir boıy laýazymdy qyzmet atqara almaıdy. Oǵan qosa, barlyǵy general shenderinen jáne memlekettik nagradalarynan aıyryldy.
Sottalǵandardyń mal-múlikteri de tárkilendi. Alaıda óndirilgen qarjyny memleketke qaıtarý týraly sheshim zańdy kúshine engen joq.
